Móttaka “sönnunargagna”
Borgarleikhúsið og listrænir stjórnendur leiksýningarinnar "Þú ert hér", (Jón Páll Eyjólfsson, Jón Atli Jónasson og Hallur Ingólfsson) sem fjallar um þau tímamót sem íslenska þjóðin stendur á um þessar mundir, lýsa eftir munum eða gripum sem endurspegla þær umbreytingar sem við höfum farið í gegnum upp á síðkastið. Þetta mætti kalla nokkurs konar sönnunargögn um á atburðarás sem við sem þjóð höfum gengið í gegnum á síðustu misserum.
Ef þú átt bankayfirlit, handklæði eða grillhanska sem fjármálastofnun hefur gefið þér, sjónvarpstæki sem þú keyptir á afborgunum af fyrirtæki sem er nú farið á hausinn þá endilega komdu í Borgarleikhúsið milli klukkan 14 og 16 á laugardaginn og talaðu við okkur. Við erum að safna sönnunargögnum en líka frásögnum. Það verður heitt á könnunni. Komdu og taktu virkan þátt í leikhúsinu þínu, kæri landsmaður.
