Fréttir
Rautt brennur fyrir frumsýnt á Nýja sviðinu 19. nóvember
Fyrsta verk ungs leikskálds, Heiðars Sumarliðasonar á atvinnusviði
Rautt brennur fyrir er eftir Heiðar Sumarliðason, ungt leikskáld sem útskrifaðist frá nýrri braut Listaháskóla Íslands, Fræði og framkvæmd á síðasta ári. Leikritið er fyrsta verk höfundar sem sést á atvinnusviði. Verkið er ögrandi og fellur því vel að áherslum á Nýja sviðinu þar sem gerðar eru tilraunir með leikhúsformið og varpað fram áleitnum spurningum. Rautt brennur fyrir fjallar um flókin sambönd fólks í íslenskum samtíma. Titill verksins rautt brennur fyrir er gamalt máltæki sem merkir að eitthvað gott sé í vændum.
Leikstjóri er Kristín Eysteinsdóttur. Frumsýning er fimmtudaginn 19. nóvember kl 20:00
