Fréttir
Forsala á Skoppu og Skrítlu hefst í dag kl. 13
Uppáhalds vinkonur allra krakka í Borgarleikhúsinu
Nú loksins geta allir krakkar farið að láta sér hlakka til. Í dag kl. 13 opnar miðasala Borgarleikhússins fyrir sölu á nýtt leikrit þeirra Skoppu og Skrítlu sem frumsýnt verður á Litla sviðinu þann 6. febrúar nk. Í þessu leikriti ferðast þær vinkonur um í tímanum og hitta gamla og nýja vini sem þær kynna fyrir krökkunum. Á ferðalaginu komast þær yfir fjársjóðskort sem leiðir þær áfram í óvæntar áttir og eins og alltaf fá krakkarnir að taka þátt í leitinni að fjársjóðinum. Þær Skoppa og Skrítla á samt Bakara Svakara og Lúsy bregða sér í Kringluna kl. 13 í dag laugardag og ætla að syngja glæný lög úr leikritinu.
