Fréttir
Þrjár af fimm tilnefningum í leiklist til Borgarleikhússins
Listamenn Borgarleikhússins sigursælir þegar tilnefningar voru tilkynntar
Tilnefningar til Menningarverðlauna DV voru kynntar sl. föstudag, voru listamenn Borgarleikhússins sigursælir í tilnefningum í flokknum Leiklist. Bergur Þór Ingólfsson, Halldóra Geirharðsdóttir og Benedikt Erlingsson voru tilnefnd fyrir leikverkið Jesús litla. Sigrún Edda Björnsdóttir var tilnefnd fyrir hlutverk sín í Milljarðamærin snýr aftur og Fjölskyldan. Jón Páll Eyjólfsson, Jón Atli Jónasson og Hallur Ingólfsson fengu þriðju tilnefninguna fyrir leikverk sitt Þú ert hér. Í leiklistarnefndinni eru þau Jón Viðar Jónsson formaður, María Kristjánsdóttir og Elísabet Brekkan, öll starfa þau sem leiklistargagnrýnendur.
Menningarverðlaun DV verða afhent við hátíðlega athöfn miðvikudaginn 10. mars.
