Borgarleikhús - Fréttir

Samstarfsverkefni í Borgarleikhúsinu

Fri, 3 Feb 2012 12:16:00 +0000

Borgarleikhúsið hýsir á hverju ári a.m.k. tvö verkefni sjálfstæðra leikhópa. Verkefnin eru valin í samvinnu við borgaryfirvöld og stjórn Sjálfstæðu leikhúsanna (SL) Samkvæmt samkomulagi Leikfélags Reykjavíkur og
Reykjavíkurborgar skal Leikfélag Reykjavíkur "tryggja hið minnsta tveimur öðrum leikflokkum afnot af húsnæði í Borgarleikhúsinu til æfinga og sýninga eins verkefnis á hverju ári.

Nei ráðherra á Akureyri

Mon, 30 Jan 2012 10:59:00 +0000

Nei ráðherra, verður sýndur á Akureyri í mars eftir yfir 70 uppseldar sýningar í Borgarleikhúsinu. Sýningin var ein vinsælasta sýning síðasta árs, en hún mun snúa aftur á fjalir Borgarleikhússins eftir að hún hefur glatt norðlendinga í Menningarhúsinu Hofi á Akureyri.

Saga þjóðar | Sýningar hefjast í kvöld

Fri, 27 Jan 2012 09:10:00 +0000

Í kvöld hefjast á Litla sviðinu sýningar á sjóntónleiknum Saga Þjóðar með hljómsveitinni Hundur í óskilum. Tveggja manna stórsveitin Hundur í óskilum fer í tali og tónum á hundavaði í gegnum Íslandssöguna frá upphafi til okkar daga. Tónleikar hjá Hundi í óskilum hafa oft minnt meira á sirkus eða uppistand en venjulega tónleika.

Eldhaf frumsýnt í gærkvöldi

Fri, 27 Jan 2012 09:08:00 +0000

Í gærkvöldi var leikritið Eldhaf eftir Wajid Mouwad frumsýnt á Nýja sviði Borgarleikhússins og fékk hreint út sagt frábærar viðtökur. Eldhaf er stór saga, harmleikur um fortíðina sem skapar nútímann, sem höfðar beint til hjartans. Verkið hefur farið sigurför um heiminn, verið þýtt á tuttugu tungumál og sýnt í yfir 100 uppsetningum. Aðstanendur uppfærslu Borgarleikhússins á verkinu eru margir hverjir þeir sömu stóðu að sýningunni Elsku barn sem fékk 7 tilnefningar til Grímunnar á síðasta leikári.

Málþing um Jón Múla og Jónas Árnasyni

Thu, 12 Jan 2012 12:24:00 +0000

Í gær, 11. janúar 2011 varð Leikfélag Reykjavíkur 115 ára. Það var stofnað 11. janúar 1897 og er eitt af elstu starfandi félögum landsins. Á undanförnum árum hafa verið haldin málþing/ félagsfundir í tengslum við afmæli félagsins. Fjallað hefur verið um leikskáldin Jóhann Sigurjónsson og Guðmund Kamban, verk þeirra og æviferil.

Axlar - Björn frumsýning í kvöld

Wed, 11 Jan 2012 15:06:00 +0000

Axlar - Björn, frumsýning á morgun miðvikudag

Tue, 10 Jan 2012 11:08:00 +0000

Axlar-Björn, nýtt rammíslenskt verk úr smiðju Vesturports verður frumsýnt í Borgarleikhússins á miðvikudagskvöld kl 20. Axlar-Björn rekur öðrum þræði sögu þessa eins kaldrifjaðadta morðingja Íslandssögunnar en veltir einnig upp sígildum spurningum um þá brenglun sem leiðir til óhæfuverka. Björn Hlynur Haraldsson skrifar verkið og leikstýrir en þeir Alti Rafn Sigurðarson og Helgi Björnsson fara með hlutverk Axlar-Björns.

Nú styttist í frumsýninguna á Fanný & Alexander

Wed, 28 Dec 2011 14:39:00 +0000

Fanný og Alexander hin ástsæla fjölskyldusaga Ingmars Bergmans verður frumsýnd á Stóra sviði Borgarleikhússins á þrettándanum, 6. janúar næstkomandi. Hér er sögð saga systkinanna Fannýjar og Alexanders sem alast upp á ástríku, hlýju heimili þar til faðir þeirra fellur óvænt frá og líf þeirra umbreytist í vondan draum. Leikgerðin byggir á sjónvarpsþáttum Bergmans sem hann stytti síðan í kvikmynd árið 1982. Myndin var síðasta kvikmyndaverk leikstjórans

Vinningshafar í gjafakortaleik Borgarleikhússins

Fri, 23 Dec 2011 11:52:00 +0000

Við þökkum öllum kærlega fyrir að taka þátt í Gjafakortaleik Borgarleikhússins. Mikill fjöldi fólks skráði sig til leiks og tíu heppnir þátttakendur hafa unnið sér inn gjafakort í Borgarleikhúsið.

Fanný og Alexander frumsýning á Stóra sviðinu 6. janúar 2012

Tue, 20 Dec 2011 11:35:00 +0000

Hilmar Guðjónsson leikari hefur verið valinn í hóp 10 efnilegustu leikara Evrópu

Fri, 9 Dec 2011 15:47:00 +0000

Hilmar Guðjónsson leikari hefur verið valinn í hóp 10 efnilegustu leikara Evrópu, Shooting Star. Þetta er í fyrsta sinn sem Íslendingur er valinn í þennan hóp (eftir að skilyrði voru sett sem takmarka fjölda útvalinna við 10 leikara í allri Evrópu).

Gói og Eldfærin á DVD

Mon, 28 Nov 2011 20:06:00 +0000

Nú er hægt að kafa ofan í Eldfærin með Góa og Þresti Leó heima í stofu.

Gói & Eldfærin fékk frábærar viðtökur í Borgarleikhúsinu, sjö þúsund gestir komu og ferðuðust inn í töfraheim ævintýranna en sýningin tilnefnd til Grímunnar 2011 sem besta barnasýning ársins.

Jesús litli kominn heim frá Spáni og fer aftur á Litla sviðið í vikulokin

Wed, 23 Nov 2011 10:33:00 +0000

Jólin koma með guðspjöllum trúðanna. Jesús litli hefur slegið rækilega í gegn síðustu tvö ár og fer nú aftur á svið fyrir jólin þriðja leikárið í röð, nk. laugardag 26.11.11. Jesús litli hlaut Menningarverðlaun DV 2009 og var valin besta leiksýning ársins á Grímunni vorið 2010.

Elsku barn snýr aftur á Nýja sviðið á fimmtudag

Tue, 22 Nov 2011 14:24:00 +0000

Verðlaunaverkið Elsku barn, eftir breska leikskáldið Dennis Kelly, snýr aftur á fjalir Nýja sviðsins fimmtudaginn 24. Nóvember nk. Elsku barn er nístandi saga móður sem sökuð er um að myrða börnin sín tvö. Hér er á ferðinni áleitið verk sem veltir upp ýmsum heimspekilegum spurningum um eðli sannleikans, réttlæti og lygi, hvernig lifa má við ófyrirgefanlegan glæp og óbærilegan sársauka.

Jesús litli sló í gegn á Spáni

Sun, 20 Nov 2011 17:21:00 +0000

Sýning Borgarleikhússins á Jesú litla var sýnd í Principal leikhúsinu í Vitoria á Spáni í gærkvöldi sem hluti af hinni árlegu Alþjóðlegu Vitoria-leiklistarhátíð. Leikhúsið tekur 1000 manns í sæti og var uppselt á sýninguna. Leikhópurinn flutti sýninguna í nýrri enskri þýðingu en hún var einnig textuð á spænsku.

Prentsmiðjan Oddi gerist máttarstólpi Borgarleikhússins

Tue, 8 Nov 2011 17:20:00 +0000

Jón Ómar Erlingsson framkvæmdastjóri og Magnús Geir Þórðarson leikhússtjóri undirrituðu samstarfssamning á Stóra sviði Borgarleikhússins að viðstöddum leikurum og listrænum stjórnendum Kirsuberjagarðsins.

Magnús Geir leikhússtjóri endurráðinn til næstu fjögurra ára

Tue, 1 Nov 2011 10:46:00 +0000

Aðalfundur Leikfélags Reykjavíkur var haldinn í gærkvöldi. Þar tilkynnti Inga Jóna Þórðardóttir stjórarformaður að gengið hefði verið frá samkomulagi við Magnús Geir Þórðarson, sem gegnt hefur starfi leikhússtjóra síðan 2008, um endurráðningu hans til næstu fjögurra ára.

Kirsuberjagarðurinn frumsýndur í kvöld kl 20

Fri, 28 Oct 2011 17:05:00 +0000

Kirsuberjagarðurinn, síðasta og mest leikna leikrit Antons Tsjekhovs verður frumsýnt á Stóra sviði Borgarleikhússins í kvöld, föstudaginn 28. október kl 20

Fólkið í kjallaranum hætti fyrir fullu húsi

Fri, 21 Oct 2011 12:42:00 +0000

Fólkið í kjallaranum gekk fyrir troðfullu húsi í fyrravetur og aftur í haust. Nú hefur sýningin kvatt fjalirnar til að rýma til fyrir nýjum verkum. Sýningin verður sýnd á RUV síðar í vetur.

Zombíljóðin lokasýning

Tue, 11 Oct 2011 10:21:00 +0000

Lokasýning á Zombíljóðunum verður á Litla sviðinu næstkomandi föstudag. Það kostar ekkert inn á sýninguna en tekið verður á móti frjálsum framlögum til Fjölskylduhjálpar Íslands. Aldrei áður hefur manneskjan fengið jafn mikla vitneskju um harm annara en sjáum við í raun og veru hvort annað?

Borgarleikhúsið samstarfsaðili Símaskrárinnar 2012

Thu, 6 Oct 2011 14:36:00 +0000

Já og Borgarleikhúsið skrifuðu í dag undir samkomulag um að Borgarleikhúsið verði samstarfsaðili Símaskrárinnar 2012, sem mun koma út í maí á næsta ári. Í samningnum felst að Borgarleikhúsið mun ásamt Já koma að vinnu við myndskreytingar Símaskrárinnar og auk þess taka þátt í vinnu við efnistök bókarinnar.

Leikarar Borgarleikhússins koma víða við.

Thu, 29 Sep 2011 16:02:00 +0000

Eldfjall verður frumsýnd á Íslandi í kvöld, fimmtudag 29. september í Háskólabíói. Myndin fjallar um sextíu og sjö ára mann og hvernig hann tekst á við að eftirlaunaaldurinn sem er að hefjast.

Eldfærin aftur á svið um helgina!

Fri, 23 Sep 2011 13:11:00 +0000

Gói og Þröstur opna dyr leikhússins upp á gátt fyrir öllum landsmönnum, ungum sem öldnum og ferðast um töfraheim ævintýranna. Á ferðalaginu nýta þeir til hins ýtrasta leik, söng og dans og bregða sér í allra kvikinda líki í anda furðusagnanna.

Kirsuberjagarðurinn: námskeið og leikhúsferð

Tue, 20 Sep 2011 10:42:00 +0000

Í tengslum við uppsetningu Borgarleikhússins á Kirsuberjagarðinum, dáðasta leikriti Antons Tsjekhovs, er efnt til námskeiðs um verkið og uppsetninguna. Þar verður fjallað um Tsjekhof, líf hans, leikritun og stöðu verka hans í leiklistarsögunni. Einnig verða rifjaðar upp sviðsetningar verka hans hér á landi. Þátttakendur sækja eina dagæfingu á verkinu og síðan lokaæfingu

Mikil fagnaðarlæti og standandi uppklapp á frumsýningu á Galdrakarlinum í OZ

Sat, 17 Sep 2011 17:48:00 +0000

Nú rétt í þessu lauk frumsýningu á stórsýningunni Galdrakarlinn í OZ fyrir troðfullu húsi. Sýningunni var afar vel tekið og lauk sýningunni með standandi uppklappi þar sem listamennirnir, ungir og þeir sem eldri eru, voru hylltir.

Gríðarleg sala á Galdrakarl – aukasýningar í sölu

Fri, 16 Sep 2011 13:18:00 +0000

Fjölskyldusöngleikurinn Galdrakarlinn í OZ verður frumsýndur í Borgarleikhúsinu á morgun. Gríðarlegur áhugi er á sýningunni því þegar hafa verið seldir yfir 10.000 miðar á verkið. Til að anna eftirspurn hefur verið bætt við aukasýningum og eru sýningar nú oft tvær sýningar á dag. Nú um hádegisbil fóru nýjar aukasýningar í október í sölu.

Mikil aukning í sölu áskriftarkorta í Borgarleikhúsinu

Mon, 29 Aug 2011 17:12:00 +0000

Mikil aukning í áskriftarkortasölu í Borgarleikhúsið heldur áfram þetta haustið. Sem kunnugt er hefur orðið sprenging í kortasölu Borgarleikhússins síðustu ár og í fyrra voru kortagestir leikhússins komnir yfir 11.000 sem er það mesta í sögu íslensks leikhúss. Þá hafði kortasala rúmlega tuttugufaldast á tveimur árum.

Opið hús í Borgarleikhúsinu á laugardag milli kl. 13 – 16

Thu, 25 Aug 2011 12:08:00 +0000

Starfsfólk Borgarleikhússins lýkur upp dyrunum klukkan 13 laugardaginn 27. ágúst, og býður í vöfflukaffi með fjörlegri dagskrá. Það verður líf á öllum sviðum og um allt leikhús.

Leikárið 2011/2012 hefst í dag!

Thu, 18 Aug 2011 09:28:00 +0000

Borgarleikhússins kynnir í dag brakandi nýtt leikár 2011-2012. Dagskrá vetrarins er viðameiri en nokkru sinni og hvergi er slegið af frá fyrra ári sem var gjöfult. Fleiri verk en nokkru sinni fyrr, 25 titlar, verða á boðstólum í Borgarleikhúsinu í vetur, þar af eru 13 íslensk verk.

Opið hús laugardaginn 27. ágúst

Mon, 8 Aug 2011 16:39:00 +0000

Borgarleikhúsið verður með opið hús laugardaginn 27. ágúst. Þá geta gestir og gangandi skoðað leikhúsið og séð brot af þeim fjölmörgu sýningum sem frumsýndar verða á leikárinu.