Borgarleikhús - Fréttir

Opið hús í Borgarleikhúsinu

Wed, 1 Sep 2010 15:29:00 +0000

Troðfullt var út úr dyrum á opnu húsi og ánægjan skein úr hverju andliti, ungu sem öldnu.
Vel yfir 10.000 manns heimsóttu leikhúsið sitt í gær en viðamikil dagskrá var í boði. Skoðunarferðir leiddu gesti um króka og kima leikhússins.

Áskriftarkortasala eykst enn umtalsvert í Borgarleikhúsinu

Fri, 27 Aug 2010 14:41:00 +0000

Fjöldi áskriftarkortagesta í Borgarleikhúsinu tuttugufaldaðist á árunum 2008 og 2009. Á síðasta leikári voru kortagestir Borgarleikhússins 10.000 talsins en það er það langmesta sem hefur verið í sögu íslensks leikhúss. Nýtt leikár var kynnt í síðustu viku í Borgarleikhúsinu og hófst kortasala föstudaginn 20. ágúst, fyrir réttri viku síðan.

Orð skulu standa öðlast nýtt líf á sviði Borgarleikhússins

Wed, 25 Aug 2010 11:12:00 +0000

Útvarpsþátturinn Orð skulu standa hefur verið einn alvinsælasti útvarpsþáttur þjóðarinnar síðustu átta ár en í honum er íslensk tunga í forgrunni. Nú í síðustu viku var tilkynnt að þátturinn yrði tekinn af dagskrá Ríkisútvarpsins sem lið í niðurskurði stofnunarinnar.

Nýtt leikár er hafið!

Fri, 20 Aug 2010 07:59:00 +0000

Nýtt rótsterkt og ilmandi leikár Borgarleikhússins er hafið og opnað hefur verið fyrir kortasölu. Leikhúsunnendur geta hlakkað til komandi vetrar því í boði verða 20 sýningar af öllu tagi, hver annarri áhugaverðari. Við lofum ykkur leikári sem verður heitt og kalt, súrt og sætt, áleitið og leikandi en umfram allt kraftmikið og skemmtilegt.

Nýtt rótsterkt og ilmandi leikár

Fri, 13 Aug 2010 00:05:00 +0000

Nýtt rótsterkt og ilmandi leikár Borgarleikhússins verður afhjúpað þann 20. ágúst næstkomandi. Leikhúsunnendur geta byrjað að hlakka til komandi vetrar, því í boði verða 20 sýningar af öllu tagi, hver annarri áhugaverðari. Við lofum ykkur leikári sem verður heitt og kalt, súrt og sætt, áleitið og leikandi en umfram allt kraftmikið og skemmtilegt.

Góðum Íslendingum vel tekið í Wiesbaden

Thu, 1 Jul 2010 23:15:00 +0000

Uppsetning Borgarleikhússins á Góðum Íslendingum, hlaut mikið lof áhorfenda og gagnrýnenda á leiklistahátíðinni Ný leikrit frá Evrópu (Neue Stücke aus Europa) sem haldin var í Wiesbaden fyrir skemmstu. Hátíðin er haldin annað hvert ár og þá er boðið tæplega þrjátíu nýjum leikverkum sem þótt hafa skarað fram úr á tímabilinu frá allri Evrópu. Góðir Íslendingar voru valdir sem fulltrúar Íslands af valnefnd hátíðarinnar.

Jesús litli er leiksýning ársins og Hilmir Snær leikstjóri ársins

Thu, 17 Jun 2010 23:05:00 +0000

Grímuverðlaunin voru afhent við hátíðlega athöfn í áttunda sinn í gærkvöldi. Gríman er uppskeruhátíð leikhúsfólks og afhent í lok hvers leikárs til þeirra listamanna sem þótt hafa skarað fram úr á liðnu leikári. Hátíðin var hin glæsilegasta enda fríður hópur listamanna sem fagnaði í kvöld aðsóknarmesta leikári Íslandssögunnar.

Borgarleikhúsið á 4 af 5 áhorfendasýningum ársins

Wed, 16 Jun 2010 00:00:00 +0000

Nú liggur fyrir hvaða fimm sýningar áhorfendur töldu skara fram úr á leikárinu. Það eru leiksýningarnar 39 þrep í uppsetningu LA, Faust í uppsetningu Borgarleikhússins í samstarfi við Vesturport, Fjölskyldan í uppsetningu Borgarleikhússins, Gauragangur í uppsetningu Borgarleikhússins og Skoppa og Skrítla í uppsetningu Borgarleikhússins.

Borgarleikhúsið með 4 af 5 sýningum ársins 2010

Fri, 4 Jun 2010 16:25:00 +0000

Tilnefningar til íslensku leiklistarverðlaunanna Grímunnar 2010 voru opinberaðar við formlega athöfn í Þjóðleikhúskjallaranum síðdegis í dag. Borgarleikhúsið hlýtur flestar tilnefningar þetta árið, alls 34. Þetta eru fleiri tilnefningar en leikhús hefur nokkru sinni hlotið í sögu Grímunnar á einu ári

Jón Gnarr lætur af störfum sem leikskáld Borgarleikhússins vegna nýrra starfa á sviði borgarmála

Tue, 1 Jun 2010 21:08:00 +0000

Leikskáld Borgarleikhússins, Jón Gnarr vann stórsigur í kosningum til borgarstjórnar Reykjavíkur í nýafstöðnum kosningum um síðustu helgi. Ljóst er að ærin verkefni bíða Jóns á sviði borgarmála og nú stefnir allt í að hann taki við sem næsti borgarstjóri Reykjavíkur.

Æfingar hafnar á stórvirkinu Enron

Thu, 27 May 2010 09:03:00 +0000

Æfingar eru hafnar á leikritinu Enron í Borgarleikhúsinu. Stefán Jónsson leikstýrir verkinu og hefur hann ekki setið auðum höndum í undirbúning sínum fyrir verkefnið. Hann hefur fengið sérfræðinga á hinum ýmsu sviðum mannsálarinnar og eins á sviðum viðskiptalífsins til að kynna fyrir hópum hvað gerist þegar stórfyrirtæki fellur.

Stórkostleg uppsetning OKT leikhússins á Stóra sviðinu

Sat, 15 May 2010 17:27:00 +0000

Leikhópur frá OKT Borgarleikhúsinu í Vilnius sýndi á Stóra sviði Borgarleikhússins í gærkvöldi Rómeó og Júlíu. Hópurinn kom til landsins í samvinnu Borgarleikhússins og Listahátíðar í Reykjavík með verðlauna uppsetningu sína af verki Shakespeare í leikstjórn Oskaras Korsunovas. Áhorfendur hylltu hópinn í leikslok með því að rísa úr sætum.

Dúfurnar slá í gegn á Nýja sviðinu

Mon, 3 May 2010 08:46:00 +0000

„Ég hef aldrei skemmt mér eins vel í leikhúsi“ sagði brosandi leikhúsgestur þegar hann gekk út af sýningunni Dúfurnar á Nýja sviðinu.

Í dag er alþjóðlegi dansdagurinn - í tilefni hans birtum við ávarp frá stjórn FÍLD

Thu, 29 Apr 2010 14:00:00 +0000

Alþjóðlegi dansdagurinn verður haldinn hátíðlegur fimmtudaginn 29. apríl n.k. Listdanssamfélagið mun halda upp á daginn um allt land m.a. með nýrri danssmíðakeppni KORUS sem haldin verður í Loftkastalanum þetta sama kvöld.

Faust á leið til London, sýnt í hinu virta Young Vic leikhúsi í sex vikur

Wed, 21 Apr 2010 12:06:00 +0000

Samningar hafa náðst um leikferð Borgarleikhússins og Vesturports með leikritið Faust í leikstjórn Gísla Arnar Garðarssonar til hins virta leikhúss Young Vic í London komandi haust.

Lestri rannsóknarskýrslu lokið í Borgarleikhúsinu eftir sex sólarhringa lestur

Sun, 18 Apr 2010 13:24:00 +0000

Lestri starfsfólks Borgarleikhússins á skýrslu Rannsóknarnefndar Alþingis lauk nú kl. 12.30 eftir 146 klukkustunda samfelldan lestur.

Lestur rannsóknarskýrslu langt kominn

Sat, 17 Apr 2010 12:51:00 +0000

Lestur skýrslunnar stendur enn yfir í Borgarleikhúsinu. Áætlað er að lestrinum ljúki í fyrramálið, sunnudaginn 18. apríl, sex sólarhringum eftir að starfsfólk leikhússins hóf lesturinn. Leikhúsið er sem fyrr opið dag og nótt.

Sigurður Skúlason og Örn Árnason langt komnir í lestri sjöunda bindis

Sat, 17 Apr 2010 11:06:00 +0000

Lestur rannsóknarskýrslu langt kominn

17.4.2010

Nú eru liðnir fimm sólarhringar síðan leikarar Borgarleikhússins lásu fyrstu setningarnar í skýrslu Rannsóknarnefndar Alþingis. Áætlað er að um einn sólarhringur sé eftir áður en síðasta orðið verður lesið.

Stöðugur straumur fólks hefur verið í leikhúsið dag og nótt. Tugþúsundur hafa fylgst með útsendingunni hér á heimasíðu leikhússins.

Nú lesa þær Jóhanna Vigdís og Hanna María.

Lesturinn fer fram á Nýja sviði Borgarleikhússins. Milli kl. 17 og 24 í kvöld færist lesturinn yfir í forsal meðan tvær sýningar verða á Dúfunum á Nýja sviði. Að þeim loknum færist lesturinn aftur á sinn stað og lýkur þar í fyrramálið.

Sýning á Eilífri óhamingu fellur niður í kvöld - föstudaginn 15. apríl

Fri, 16 Apr 2010 11:13:00 +0000

Sýning á leikritinu Eilíf óhamingja sem átti að vera í kvöld kl. 20 fellur því miður niður þar sem ein leikkonan Sólveig Arnarsdóttir er föst í Svíþjóð vegna lokanna á flugvöllum í Evrópu.

Víkingur Kristjánsson og Elma Lísa Gunnarsdóttir lesa nú úr sjötta bindi

Fri, 16 Apr 2010 10:15:00 +0000

Lestur á sjötta bindi kominn vel á stað - erum á síðu 159 núna.

Lestur sjötta bindis hefst í nótt

Thu, 15 Apr 2010 20:25:00 +0000

Brátt verður lestri á fimmta bindi lokið og við tekur sjötta bindi.

Stórafmæli Vigdísar Finnbogadóttur

Thu, 15 Apr 2010 10:39:00 +0000

Hátíðardagskrá í Háskólabíói
15. apríl kl. 16:30–18:00

Dagskráin er öllum opin. Húsið verður opnað kl. 15:30 og eru gestir hvattir til að mæta stundvíslega þar sem sent verður beint út í sjónvarpi og útvarpi.

Lesturinn færður fram í forsal vegna leiksýningar kvöldsins

Wed, 14 Apr 2010 17:50:00 +0000

Lestur á Skýrslu Rannsóknarnefndar Alþingis gengur vel og eru leikarar komnir í mitt fjórða bindi. Nú um sex leytið var lestaraðstaðan flutt fram í forsal leikhússins svo hægt væri að undirbúa leiksýningu kvöldsins á Nýja sviðinu. Í forsalnum er góð aðstaða til að hlusta á lesturinn.

Lestur Rannsóknarskýrslu gengur vel í Nýja sviðinu

Tue, 13 Apr 2010 14:38:00 +0000

Nú er kominn sólarhringur síðan lestur hófst á skýrslu Rannsóknarnefndar Alþingis hér í Borgarleikhúsinu. Viðtökur hafa verið með eindæmum góðar.

Í dag kl 11 hefst lestur skýrslu Rannsóknarnefndar Alþingis

Mon, 12 Apr 2010 09:41:00 +0000

Í dag kl 11 mun starfsfólk Borgarleikhússins hefja lestur skýrslu Rannsóknarnefndar Alþingis um aðdraganda og orsakir bankahrunsins

Dúfurnar frumsýnt í kvöld á Nýja sviðinu

Sat, 10 Apr 2010 09:59:00 +0000

Dúfurnar

eftir David Gieslemann í leikstjórn Kristínar Eysteinsdóttur verður frumsýnt á Nýja sviðinu í kvöld. Verkið var verðlaunað sem besta nýja gamanleikritið í Þýskalandi á síðasta ári. Dúfurnar er kolsvartur gamanleikur um mannshvarf sem er kryddaður með hráum gítarleik Vilhelms Anton Jónssonar.

Starfsfólk Borgarleikhússins les rannsóknarskýrslu í heild sinni

Wed, 7 Apr 2010 12:08:00 +0000

Starfsfólk Borgarleikhússins mun lesa rannsóknarskýrsluna í heild sinni, en hún er um 2000 blaðsíður að lengd, og bjóða landsmönnum að hlýða á upplesturinn. Lesturinn verður einnig aðgengilegur í beinni útsendingu hér á heimasíðu leikhússins.

Starfsfólk Borgarleikhússins les rannsóknarskýrslu í heild sinni

Wed, 7 Apr 2010 12:06:00 +0000

Starfsfólk leikhússins mun lesa skýrsluna í heild sinni, en hún er um 2000 blaðsíður að lengd, og bjóða landsmönnum að hlýða á upplesturinn. Lesturinn verður einnig aðgengileg í beinni útsendingu hér á heimasíðu leikhússins.

Tvær frábærar sýningar kvöddu um helgina - í bili

Mon, 29 Mar 2010 10:21:00 +0000

Nú um helgina voru síðustu sýningar í bili á Fjölskyldunni og Harry og Heimi – með öðrum morðum. Báðar þessar sýningar voru frumsýndar fyrir áramót en hafa fengið dádæma góðar viðtökur hjá leikhúsgestum. Þær víkja fyrir nýjum verkefnum en koma aftur á fjalirnar á næsta leikári.

Forsala hafin á einstakan listviðburð

Thu, 25 Mar 2010 13:51:00 +0000

Á Listahátíð í Reykjavík í vor býðst einstakt tækifæri til að sjá rómuðustu ástarsögu allra tíma, Rómeó og Júlíu eftir William Shakespeare í stórbrotinni uppfærslu litháíska leikstjórans Oskaras Koršunovas á Stóra sviði Borgarleikhússins. Forsala á þennan einstaka viðburð hófst í morgun kl. 10.