Faust er kominn á efri ár þegar hann uppgötvar að hamingjan verður ekki höndluð með lestri bóka eingöngu. Mefistó freistar hans og segist geta kynnt hann fyrir sannri hamingju í hinu ljúfa lífi skemmtunar og nautna. Faust tekur boðinu og handsalar veðmálið; finni hann hamingjuna undir handleiðslu Mefistós, þá eignast djöfullinn sál hans. Veðmálið verður þó fyrst tvísýnt þegar Faust kynnist hinni hreinu, saklausu Grétu sem er dregin inn í eilífa baráttu góðs og ills.

Töffarinn og erkiunglingurinn Ormur Óðinsson er mættur til leiks.
Við kynnumst þessum höfuðsnillingi íslenskrar unglingamenningar; vinum hans, óvinum, hugsjónunum, hugmyndunum, orðsnillinni, fjölskyldunni, ljóðunum, skólanum og bannsettri ástinni. Við fylgjumst með óborganlegum tilraunum Orms við að búa til gull, fara á stefnumót, láta reka sig úr skóla og sofa hjá!

Rómeó og Júlía vita að samkvæmt hefðinni eiga þau að vera erkióvinir, enda berjast fjölskyldur þeirra um völdin í Verónu. Magnaðasta ástarsaga allra tíma birtist hér í stórbrotinni uppsetningu Oskaras hefur ferðast um víða veröld síðustu tíu ár, hlotið fjölda verðlauna og er sannkallaður hvalreki fyrir íslenkst leikhúsáhugafólk. Sýningin er samstarfsverkefni Borgarleikhússins og Listahátíðar í Reykjavík.

Er það rétt að í annálaðri fegurð Eyjafjarðar sé sveitasetrið Sveinbjarnargreiði griðastaður elskenda á laun? Hefur Saga Ringsted ástæðu til að gruna eiginmann sinn um græsku eða er hún sjálf ekki öll þar sem hún er séð? Hver var konan sem bauð forstjóranum á blint stefnumót? Hélt Elli við konu Jóhannesar eða hélt hann bara upp á hana? Er Helmút Edelstein manískur kvennamaður eða aðeins saklaus þýskur ferðamaður? Er afbrýðisemi Miroslavs á rökum reist? Ástir og afbrýði, misskilningur á misskilning ofan.

Fallegt og tilfinningaríkt verk eftir verðlaunadanshöfund

Þann 4. Febrúar frumsýnir Íslenski dansflokkurinn nýtt verk eftir Alan Lucien Öyen, ungan norskan danshöfund sem hefur unnið til fjölda verðlauna fyrir verk sín. Alan hefur getið sér gott orð fyrir falleg, tilfinningarík og ljóðræn verk með djúpri innri merkingu. Alan notar talað orð og myndbandsverk í dansverkinu og skapar sérstakan söguþráð í anda heimildarmyndar. Okkur eru birt brot úr hugsunum, endurminningar um horfna ástvini.

María er heillandi ung kona sem bókstaflega elskar lífið og sönginn. Hún finnur sig ekki í klaustrinu og er því send í vist til ekkjumannsins Von Trapp til að gæta sjö hávaðasamra barna hans. María áttar sig fljótlega á því að það sem börnin skortir er ást og hlýju og með söng sínum og glaðværð vinnur hún hug og hjörtu þeirra. Að lokum fellur hinn forskrúfaði Von Trapp einnig fyrir Maríu og málin virðast ætla að fá farsælan endi fyrir alla.

Þegar matarverð hækkar upp úr öllu valdi taka konurnar málin og matinn í sínar hendur. Þegar löggan kemst á sporið hverfa vörurnar og „óléttar“ konur fylla göturnar. Þegar sérsveitarmaður reynir að fletta ofan af hinni dularfullu frjósemi verður hann sjálfur óléttur.

ÍD sýnir brot úr fimm skemmtilegum og aðgengilegum verkum fyrir ungt fólk og fjölskyldur sem hafa ánægju af og áhuga fyrir nútímadansi og leikhúslífinu.  
Frábær sýning fyrir alla þá hefur  alltaf langað -  en ekki látið verða að því -  að koma á sýningju hjá dansflokknum
Sýnt á Stóra sviðinu 27/9  4/10  11/10 og 18/10  

Frítt fyrir börn yngri en 12 ára.

Eftir 60 uppseldar sýningar er komið að því að Pétur Jóhann segi okkur SANNLEIKANN í síðasta sinn á fjölum Borgarleikhússins. Við bættum við nýjum aukasýningum desember vegna gríðarlegrar eftirspurnar. Ekki missa af Pétri Jóhanni fara á kostum í verkinu sem færir þér SANNLEIKANN á skemmtilegu nótunum.

Dansviðburður ársins á Listahátíð í Reykjavík
Íslenski dansflokkurinn, Sinfóníuhljómsveit Íslands og Listahátíð í Reykjavík sameina krafta sína og frumsýna metnaðarfullt nýtt verk við tónlistina Fordlandia eftir Jóhann Jóhannsson.  Sýningin er einstök upplifun sem enginn listunnandi má missa af.

Kreppan krefst nýrra leikmuna. Lopapeysur í stað jakkafata, frystikistur í stað vínkæla, tjaldvagn í stað utanlandsferða, slátur í stað lífrænt ræktaðra innbakaðra fashana. Undir yfirborðinu býr sannarlega þjóð sem á sér ýmis leyndarmál. Sjálfsmynd íslensku þjóðarinnar birtist í húsunum sem við byggðum og bílunum sem við keyrðum en líka í því hvernig við sviðsetjum okkur á veraldarvefnum og í raunveruleikanum. Nú eru þessar sviðsetningar undir smásjánni, það sem áður þótti merki um velgengni vekur nú hjá okkur óhug.

Bátur heldur úr höfn rétt fyrir dögun. Menn ýmist fleygja sér í koju eða halda sér vakandi á sígarettum, kaffi og veltingi. Enginn hefur minnsta grun um hvað er í vændum. Hér er komið nýtt, íslenskt verk sem leikhús um alla Evrópu eru nú í óða önn að tryggja sér sýningarréttinn á. Djúpið er frásögn úr íslenskum veruleika sem lætur engan ósnortinn. Þetta er óður til allra þeirra fjölmörgu, íslensku sjómanna sem í gegnum aldirnar hafa haldið á djúpið.

Tveir bræður leika sama leikritið aftur og aftur undir ógnarstjórn föður síns. Innan tveggja tíma hafa þrír menn drukkið sex dósir af bjór, borðað slatta af kexi með smurosti og sporðrennt grilluðum kjúklingi með undarlegri blárri sósu. Innan tveggja klukkutíma munu fimm manneskjur týna lífi. Sumsé. Allt eins og það á að vera. Í íbúð feðganna er raunveruleikinn endurskapaður og settur á svið með aðferðum farsans. Grófur ofleikur, eldsnögg búningaskipti og ógnvænlegur hraði. Heima er best er einstakt leikrit sem fær mann til að skellihlæja á meðan hrollurinn hríslast niður hrygginn.

María og Kristján eru á yfirborðinu ósköp venjulegt ungt par. Kristján telur sig hafa ráðið leyndardóma mannskepnunnar með kenningum sálfræðinga, en eftir að ókunnugur maður brýst inn hjá honum verður hann að takast á við þá staðreynd að heimurinn er ekki eins einfaldur og hann hélt. Undir sléttu yfirborðinu leynast ógnvænlegir hlutir, fólk er ekki allt eins og það er séð og líf bláókunnugs fólks getur skarast með ófyrirsjáanlegum afleiðingum.

Fersk og tilraunakennd dansveisla

ÍD sýnir fjögur verk í vinnslu eftir framsækna og spennandi danshöfunda. Þetta eru Kristján Ingimarsson, Tony Vezich, Steinunn Ketils ásamt Brian Gerke og Peter Anderson. Höfundarnir fara  ótroðnar slóðir og þenja formið.

Fersk og tilraunakennd dansveisla

ÍD sýnir fjögur verk í vinnslu eftir framsækna og spennandi danshöfunda. Þetta eru Kristján Ingimarsson, Tony Vezich, Steinunn Ketils ásamt Brian Gerke og Peter Anderson. Höfundarnir fara  ótroðnar slóðir og þenja formið.

Fallegt og tilfinningaríkt verk eftir verðlaunadanshöfund

Þann 4. Febrúar frumsýnir Íslenski dansflokkurinn nýtt verk eftir Alan Lucien Öyen, ungan norskan danshöfund sem hefur unnið til fjölda verðlauna fyrir verk sín. Alan hefur getið sér gott orð fyrir falleg, tilfinningarík og ljóðræn verk með djúpri innri merkingu. Alan notar talað orð og myndbandsverk í dansverkinu og skapar sérstakan söguþráð í anda heimildarmyndar. Okkur eru birt brot úr hugsunum, endurminningar um horfna ástvini.

Dansviðburður ársins á Listahátíð í Reykjavík
Íslenski dansflokkurinn, Sinfóníuhljómsveit Íslands og Listahátíð í Reykjavík sameina krafta sína og frumsýna metnaðarfullt nýtt verk við tónlistina Fordlandia eftir Jóhann Jóhannsson.  Sýningin er einstök upplifun sem enginn listunnandi má missa af.

Hin undurfagra og leyndardómsfulla Diana Klein birtist dag einn á skrifstofu einkaspæjaranna Harry og Heimis. Eiginmaður hennar hefur gufað upp á sjálfa brúðkaupsnóttina og hún grátbiður þá um aðstoð. Harry heillast af Díönu, Heimi sárlangar í fiskisúpu en saman reyna þeir að leysa gátuna.

Þessi sýning færir okkur innsýn inn í nýjustu kenningar um mannsheilann. Útskýrð verða grunnferli skynjunar, minninga og drauma. Leiksviðið er notað til þess að prófa þessar kenningar á sviðinu sjálfu og í huga áhorfandans.

Út frá sjónarhorni trúðsins er vatn skoðað á einlægan en trúðslegan hátt. Hvert ætli sé eðli vatns? Hvað er svona merkilegt við það? Hvað er úthaf og hvað er tár, hvað er foss og regn? Hvaðan kemur vatn og hvert fer það? Trúðnum er ekkert óviðkomandi og hann hikar ekki að leggja fram spurningar og vangaveltur um allt milli himins og jarðar.

Skoppa og Skrítla fá óvænta gjöf frá Lúsí – leikandi létt púsluspil. Nú reynir á hvort áhorfendur geti hjálpað þeim að leika við hvern sinn fingur, setja á sig glingur ... og hver er það sem syngur? Jú, það er bakari svakari. En ... af hverju er hann á hvolfi? Og hérna ... ræna sjóræningjar sjó? Kunna blómin virkilega að tala? Og hvers vegna segir klukkan tikk-takk, en ekki bara takk fyrir takk?

Í dularfullu bréfi eru þau boðuð á leynilegan fund þar sem leggja á grunninn að framtíð Íslands. En það er fiskur undir steini. Fundurinn er uppgjör við liðinn tíma, fyrir þau sjálf og landið allt. Nú hangir ekki einasta framtíð þjóðar á bláþræði, heldur líf þeirra sjálfra.

Við erum stödd í Palestínu á því herrans ári núll. Rómverjar hafa sölsað undir sig landið og Heródes er settur landsstjóri. Þegar spyrst út að frelsari muni fæðast í landinu kemur tilskipun frá honum um að myrða skuli öll sveinbörn, tveggja ára og yngri. Ljótt er það. Hver fæðir eiginlega barn inn í slíkt ástand?

Dauðasyndirnar er frjálsleg túlkun á Guðdómlegum gamanleik Dantes, stórkostleg trúðasýning fyrir fullorðna sem fjallar um hinn eilífa vanda manneskjunnar - að lifa. Fjórir trúðar segja sögu Dantes í leit hans að Paradís, en leiðin þangað liggur, illu heilli, í gegnum Helvíti og hreinsunareldinn. Sagan er margbrotin sjálfskoðun sem gefur áhorfandanum færi á að spegla sig í mannlegu eðli og eiginleikum, hlæja, gráta og hrífast.

Dauðasyndirnar verða teknar aftur til sýninga á næsta starfsári.

Þrír menn eru staddir í rústum. Þeir uppgötva að veröld þeirra er liðin undir lok og að þeir verða að læra að fóta sig að nýju. Úr rústunum í kringum sig raða þeir saman bútum af fyrra lífi og reyna að átta sig á því hvar þeir eru staddir, hvað hafi gerst og hvert skuli stefna.