Útvarpsþátturinn Orð skulu standa hefur verið einn alvinsælasti útvarpsþáttur þjóðarinnar síðustu átta ár en í honum er íslensk tunga í forgrunni. Þátturinn gengur í endurnýjun lífdaga á sviði Borgarleikhússins. Um er að ræða nýjung í íslensku leikhúsi þar sem blandað er saman ólíkum formum, útvarpsefni og sviðlist með virkri þátttöku áhorfenda.

Ricky Gervais kynnir: VILLIDÝR & PÓLÍTIK með Davíð Þór og Steini Ármanni Sýningin byggir á tveimur vinsælustu uppistandssýningum Bretlands fyrr og síðar; Animals annars vegar og Politics hins vegar, en höfundur þeirra beggja er snillingurinn Ricky Gervais. Hann sló sem kunnugt er rækilega í gegn sem höfundur og aðalleikari The Office þáttanna, sem eru einhverjir vinsælustu og verðlaunustu sjónvarpsþættir síðari ára. Hann hefur í kjölfarið orðið einhver þekktasti grínisti heims og komið víða við; leikið í Hollywood bíómyndum, gefið út barnabækur gert vinsælustu Podcast þætti veraldar og svo mætti lengi telja.

Ertu að spökulera að fara í leikhús?
Einkaspæjararnir óborganlegu Harry og Heimir flækjast inn í dularfullt hvarf eigin- manns hinnar undurfögru Díönu Klein. Þeir fara alla leið til Transylvaníu og þurfa að takast á við illmennið og söngleikja- nördinn Doktor Frank N. Steingrímsson.

Hvernig eru afar í dag? Þeir eru á besta aldri, í góðri stöðu, búnir að ala upp börnin og geta loksins notið lífsins eftir brauðstritið. Hipparnir eru orðnir afar, þeir eiga Harley Davidson í bílskúrnum og hlusta á Bítlana. En það blasa önnur, ný og erfiðari verkefni við: Gleraugu, flóknar fjarstýringar, Viagra töflur og síðast en ekki síst – barnabörnin.

Við erum stödd í Palestínu á því herrans ári núll. Rómverjar hafa sölsað undir sig Palestínu og Heródes er settur landstjóri. Þegar spyrst út að frelsari muni fæðast í landinu gefur hann út tilskipun um að myrða skuli öll sveinbörn, tveggja ára og yngri. Ljótt er það.

Nýdönsk mætir áhorfendum á nýjan hátt í návígi leikhússins. Í sveitinni eru góðir sagnamenn og nú lifna sögurnar við. Hér heyrir þú sögurnar á bak við lögin og textana, skandalana og stórsigrana. Hvers vegna hætti Daníel? Og af hverju byrjaði hann aftur? Er Hólm raunverulegt ættarnafn Ólafs? Er Stefán hæsti gítarleikari í heimi?

Skoppa og Skrítla fá óvænta gjöf frá Lúsí – leikandi létt púsluspil. Nú reynir á hvort áhorfendur geti hjálpað þeim að leika við hvern sinn fingur, setja á sig glingur ... og hver er það sem syngur? Jú, það er bakari svakari. En ... af hverju er hann á hvolfi? Og hérna ... ræna sjóræningjar sjó? Kunna blómin virkilega að tala? Og hvers vegna segir klukkan tikk-takk, en ekki bara takk fyrir takk?

Storkurinn kemur færandi hendi og ung hjón fá uppfyllta sína langþráðu ósk um barn. En hvað verður um barnið þegar það hlýðir ekki foreldrum sínum? Hvað verður um börn sem hrekkja dýr og fólk? Eða þau sem borða ekki matinn sinn, klippa ekki neglurnar eða bora í nefið?

Þrír menn eru staddir í rústum. Þeir uppgötva að veröld þeirra er liðin undir lok og að þeir verða að læra að fóta sig að nýju. Úr rústunum í kringum sig raða þeir saman bútum af fyrra lífi og reyna að átta sig á því hvar þeir eru staddir, hvað hafi gerst og hvert skuli stefna.

Gói opnar dyr leikhússins upp á gátt fyrir öllum landsmönnum, ungum sem öldnum, og ætlar að ferðast um töfraheim ævintýranna. Á ferðalaginu mun hann nýta til hins ýtrasta leik, söng og dans og bregða sér í allra kvikinda líki í anda furðusagnanna.

Hér er á ferð mergjað heimildaleikhús um hinar ýmsu hliðar ættleiðinga. Sem fyrr vinna þau ekki með hefðbundnum leikurum, heldur „venjulegu“ fólki.
Lókal-leiklistarhátíðin verður haldin í Reykjavík 1. til 5. september. Væntanlegur er einn kunnasti leikhópur Þýskalands, Rimini Protokoll, með sýninguna Black Tie.