Faust

Umsagnir

• ****1/2 "Þessi sýning hefur allt sem þarf til að skapa vel heppnað og eftirminnilegt leikhúsverk"
  IÞ, Mbl
  
  **** "Það er langt síðan Þorsteinn Gunnarsson hefur sést í burðarhlutverki á við þetta. Tuggan, hann hefur engu gleymt, á hér
  við, fyrir svo utan að hann smýgur léttilega inn í nýstárlegan leikstíl og er áberandi best talandi leikarinn í sýningunni.
  Niðurstaða: Vesturportshópurinn skemmtir áhorfendum með loftfimleikum en hefði mátt vinna meira úr þessu klassíska verki til umhugsunar og lærdóms. Hljóðmyndin og tónlistin eru ekki síður í mögnuðu hlutverki og áhrif þessara þátta mikill til þess að skapa heildar sirkusstemningu sem óneitanlega ríkti,
  einkum eftir hlé."
  EB, Fbl
  
  ***1/2 "Sýning sú sem þeir bjóða upp á, er í þeim anda Vesturports sem er okkur orðinn næsta kunnuglegur: loftfimleikar og skemmtilegar tæknibrellur
  í bland við ljóðrænni kafla." JVJ, DV
  
  "Leikurinn er afbragðsgóður. Þar keppa þeir um fyrsta sætið Þorsteinn Gunnarsson og Hilmir Snær Guðnason sem leikur Mefistó, báðir sýna snilli sína af nautn...
  Það fóru fleiri fram úr sjálfum sér. Svið Axels Hallkels Jóhannessonar er mikið kúnstverk og eins gott að lýsa því ekkert nánar – sjón er sögu ríkari. Lýsing, hljóðmynd og leikgervi, hvergi vantaði upp á. Tónlist Nicks Cave og Warren Ellis er svo kapítuli út af fyrir sig og hygg ég að engum áhorfanda gleymist djöfullegur söngur Hilmis Snæs í hápunkti sýningarinnar.
  “Þetta er teater,” sagði Sveinn Einarsson ánægður í hléi. Ég geri þau orð að mínum." SA, TMM
  
  "Sýningin var magnþrungin ekki síst fyrir beitingu ljósa, rimla, neta og hengilása, sem hvirfluðust um salinn og brutu niður hin
  hefðbundnu mörk leikhússins.
  Leikendur æddu um hvolfið yfir höfðum okkar, dunkuðu í netið eins og skotnar gæsir eða eins og púkar á fjósbita.
  Það hefði mátt halda, að þeir væru allir ballettdansarar eða hefðu unnið í sirkus frá barnsaldri. Þarna voru í hópnum að vísu tveir íþróttamenn, sem sýndu framúrskarandi fimi, þau Svava Björg Örlygsdóttir og Jóhannes Níels Sigurðsson.
  
  Það er ekki hægt að ljúka þessum pistli um Faust í Borgarleikhúsinu án þess að fara orðum um umgerðina alla, aðbúnaðinn, búninga, hljóð og lýsingu. Manni skilst, að það sé annað leikrit í gangi aksviðs, þar sem sviðsmenn leika í myrkrinu á móti leikurunum og sjá um, að ekkert fari úrskeiðis. Það er ekki lítið traust, sem þeim er sýnt við þessar aðstæður. Og ekkert klikkaði á frumsýningu. Allt rann hnökralaust, jafnvel ljúflega. Þetta var geggjuð flott sýning, eins og gelgjan sagði. Og hvað viljið þið meira?" BS, pressan.is
  
  "Afar áhrifamikið og kom mjög vel út...
  Leikur Þorsteins og Hilmis er alveg hreint einstakur.
  Framúrskarandi leikur... Mjög vönduð sýning á allan hátt..."
  Úr Lostafulla Listræningjanum, Rás 1