Jón Páll Eyjólfsson

Jón Páll Eyjólfsson útskrifaðist árið 2000 frá East 15 Acting School í London og lék í uppfærslu Young Vic Theatre Company á The Three Musketeers sama ár. Hann hefur leikið í flestum leikhúsa landsins auk þess að vinna með sjálfstæðum leikhópum. Þar má nefna Syngjandi í Rigningunni, Cyrano, Grettisögu, Gaggalagú, Grís, Meistarann og Margarítu, Rauðu Skóna, Úlfhamsögu og Íslandsklukkuna. Jón Páll fékk tilnefningu til Grímuverðlauna fyrir síðastnefnda hlutverkið. Á síðari árum hefur Jón Páll snúið sér æ meira að leikstjórn. Hann leikstýrði Herra Kolbert og Maríubjöllunni hjá LA og Hér og nú Sokkabandsins í Borgarleikhúsinu. Jón Páll var fastráðinn leikstjóri við Borgarleikhúsið leikárið 2008 til 2009 og leikstýrði þar sýningunum Vestrið eina og Óskar og bleikklædda konan. Auk þess leikstýrði hann Heima er best á Nýja Sviðinu 2009. Hann gerði einnig sýninguna Þú ert hér og Góða Íslendinga á árunum 2009-2010 í Borgarleikhúsinu ásamt þeim Jóni Atla Jónassyni og Halli Ingólfssyni en þeir félagar deildu með sér leik, leikstjórn og handritsgerð. Þú ert hér var tilnefnd til fimm Grímuverðlauna, m.a. sem sýning ársins. 2009. Síðustu  verkefni Jóns Páls fyrir Borgarleikhúsið voru  Elsku barn á Nýja sviðinu og Strýhærði Pétur og Zombieljóðin á Litla sviðinu.

Nýlegar sýningar í Borgarleikhúsinu

Þú ert hér		Höfundur
Þú ert hér		Leikstjórn
Þú ert hér		Leikmynd
Þú ert hér		Búningar
Þú ert hér		Leikarar
Góðir íslendingar		Höfundur
Góðir íslendingar		Leikstjórn
Góðir íslendingar		Leikarar
Heima er best		Leikstjórn
Vestrið		Leikstjórn
Óskar og bleikklædda konan		Leikstjórn
Elsku barn		Leikstjórn
Strýhærði Pétur		Leikstjórn
Zombíljóðin		Höfundur
Zombíljóðin		Leikstjórn
Zombíljóðin		Leikarar
Eldhaf		Leikstjórn
Tengdó		Höfundur
Tengdó		Leikstjórn