Sigrún Edda Björnsdóttir

útskrifaðist frá Leiklistarskóla Íslands árið 1981. Hún hefur verið fastráðin leikkona bæði hjá Þjóðleikhúsinu og Leikfélagi Reykjavíkur og leikið fjölmörg burðarhlutverk. Meðal hennar helstu hlutverka má nefna titilhlutverk í Línu Langsokk, Ronju Ræningjadóttur, Elínu Helenu, Hinu ljósa mani og Fegurðardrottningunni frá Línakri. Auk þess lék hún Ófelíu í Hamlet, Báru í Landi míns Föður, Steinunni í Óskinni (Galdra Lofti), Sonju í Vanja frænda, Soffíu í Platonof, Valgerði í Grandavegi 7, Úu í Kristnihaldi undir Jökli og Maju í Öndvegiskonum. Sigrún Edda hefur hlotið viðurkenningu úr minningarsjóði frú Stefaníu Guðmundsdóttur auk tilnefninga til menningarverðlauna DV fyrir leik sinn í Stjörnum á morgunhimni, Fegurðardrottningunni frá Línakri, Milljarðamærin snýr aftur og Fjölskyldunni. Hún var tilnefnd til Grímunnar sem leikkona ársins í aðalhlutverki fyrir Blanch í Sporvagninum Girnd, frú Zachanassian í Milljarðamærin snýr aftur, Barböru í Fjölskyldunni og Móðurina í Fólkinu í kjallaranum. Fyrir túlkun sína á Láru í Degi vonar hlaut hún Grímuna. Sigrún Edda hefur leikið í kvikmyndum, sjónvarpi og útvarpi. Hún hefur einnig starfað sem höfundur og leikstjóri. Sýning hennar á Ronju Ræningjadóttur var tilnefnd til Grímunnar 2006 og fyrir leikstjórn sína á útvarpsleikritinu Skáld leitar harms hlaut hún Grímuna.

Nýlegar sýningar í Borgarleikhúsinu

Söngvaseiður		Leikarar
Fjölskyldan (Ágúst í Osage-sýslu)		Leikarar
Gauragangur		Leikarar
Milljarðamærin snýr aftur		Leikarar
Ofviðrið		Leikarar
Fólkið í kjallaranum		Leikarar
Kirsuberjagarðurinn		Leikarar
Svar við bréfi Helgu		Leikarar