Katla Margrét Þorgeirsdóttir

Katla Margrét Þorgeirsdóttir útskrifaðist frá Leiklistarskóla Íslands vorið 1997. Katla Margrét hóf störf hjá Leikfélagi Reykjavíkur haustið 2000. Fyrst gekk hún inn í hlutverk Rosie í söngleiknum Kysstu mig Kata, þá fór hún með hlutverk Huldu í Skáldanótt eftir Hallgrím Helgason og úlfamömmunnar og apa í Móglí, leikgerð á Skógarlífi eftir Rudyard Kipling. Hún lék í Blíðfinni, Gróu í Boðorðunum 9, Rósauru í Kryddlegnum hjörtum, í söngleiknum Honk!, Púntila bónda og Matta vinnumanni, Donnu í Kvetch, Eunice í Sporgvagninum Girnd, Maríu í Sekt er kennd og Sæunni í Hýbíli vindanna. Hún lék einnig í Héra Hérasyni, Terrorisma, Söngvaseið og Galdrakarlinum í Oz. Katla Margrét hefur síðan leikið fjölmörg hlutverk í Þjóðleikhúsinu, m.a. í Óhapp eftir Bjarna Jónsson, Legi og Sumardegi.

Nýlegar sýningar í Borgarleikhúsinu

Söngvaseiður		Leikarar
Galdrakarlinn í Oz		Leikarar
Fanný & Alexander		Leikarar