Jóhanna Vigdís Arnardóttir

Jóhanna Vigdís Arnardóttir útskrifaðist frá Leiklistarskóla Íslands vorið 1999. Auk leikaramenntunar hefur hún lokið burtfararprófi í söng og píanóleik frá Tónlistarskóla Garðabæjar. Jóhanna Vigdís hefur starfað hjá Borgarleikhúsinu frá 1998. Hún hefur farið með fjölda hlutverka og haldið tónleika í Borgarleikhúsinu auk þess sem hún hefur sungið inn á hljómplötur. Af eftirminnilegri hlutverkum Jóhönnu Vigdísar má nefna hlutverk hennar í Píkusögum, Kötu í Kysstu mig Kata, Regan í Lé Konungi, Gertrudis í Kryddlegnum hjörtum, Birnu í Boðorðunum 9 og Ivy Weston í Fjölskyldunni. Fyrir hlutverk sitt í söngleiknum Chicago hlaut Jóhanna tilnefningu til Grímuverðlauna. Hún hefur einnig leikið í kvikmyndunum Allir litir hafsins eru kaldir, Opinberun Hannesar og Stella í framboði auk þess sem hún hefur tekið þátt í Áramótaskaupum Sjónvarpsins.

Nýlegar sýningar í Borgarleikhúsinu

Söngvaseiður		Leikarar
Fjölskyldan (Ágúst í Osage-sýslu)		Leikarar
Gauragangur		Leikarar
Milljarðamærin snýr aftur		Leikarar
Fólkið í blokkinni		Leikarar
Ofviðrið		Leikarar
Enron		Leikarar