Ingvar E. Sigurðsson

Ingvar E. Sigurðsson útskrifaðist úr Leiklistarskóla Íslands árið 1990 og hefur síðan sett mark sitt á íslenskt leikhúslíf. Hann hefur víðtæka reynslu í leikhúsum hérlendis sem erlendis og hefur farið með hátt á þriðja tug hlutverka í íslenskum og erlendum kvikmyndum auk hlutverka í sjónvarpsþáttum og stuttmyndum. Ingvar hefur hlotið mörg verðlaun og viðurkenningar fyrir leik sinn bæði á sviði sem á hvíta tjaldinu en hann hefur hneppt fimm Edduverðlaun þ.á.m. fyrir túlkun sína á Erlendi í Mýrinni og hlaut hann Grímuverðlaun fyrir titilhlutverkið í Pétri Gaut árið 2006. Ingvar er einn af stofnendum Vesturports og hefur tekið þátt í mörgum verkefnum þeirra þ.á.m. Brim, Hamskiptunum og samstarfssýningunum;  Rómeó og Júlíu og Woyzeck hér í Borgarleikhúsinu en báðar þessar sýningar hafa verið sýndar í London og farið á leikferðir víða um heim.

Nýlegar sýningar í Borgarleikhúsinu

Djúpið		Leikarar
Rústað		Leikarar
Rómeó og Júlia		Leikarar
Ofviðrið		Leikarar
Klúbburinn		Höfundur