Hanna María Karlsdóttir

Hanna María Karlsdóttir lauk námi frá Leiklistarskóla Íslands árið 1978. Hanna María hefur verið fastráðin hjá Leikfélagi Reykjavíkur í 31 ár og sat í stjórn félagsins 2001-2003. Hún hefur leikið yfir 70 hlutverk á ferlinum m.a. í Sölku Völku, Djöflaeyjunni, Þrúgum reiðinnar, Dómínó, Mávahlátri, Öndvegiskonum, Fjölskyldunni og Faust. Hún dansaði hlutverk Nönu í Through Nana‘s eyes, með Íslenska dansflokknum. Hanna María leikstýrði einleiknum Sigrúnu Ástrós. Hún hefur tekið þátt í tveimur uppsetningum hjá Leikfélagi Akureyrar, Stálblóm og Tobacco Road. Af fjölda kvikmynda má nefna Gullsand, Einkalíf, Agnesi, Börn, Sveitabrúðkaup og 101 Reykjavík en Hanna María var tilnefnd til Edduverðlauna fyrir hlutverk sitt í þeirri mynd og einnig fyrir hlutverk sitt í Sveitabrúðkaupi. Hanna María hlaut Grímuna sem besta leikkona í aðalhlutverki árið 2005 fyrir hlutverk sitt í Héra Hérasyni og fyrir hlutverk sitt í Degi Vonar hlaut hún tilnefningu til Grímunnar.

Nýlegar sýningar í Borgarleikhúsinu

Söngvaseiður		Leikarar
Fjölskyldan (Ágúst í Osage-sýslu)		Leikarar
Faust		Leikarar
Gauragangur		Leikarar
Milljarðamærin snýr aftur		Leikarar
Ofviðrið		Leikarar