Halldór Gylfason

Halldór Gylfason útskrifaðist frá Leiklistarskóla Íslands árið 1997. Hann réði sig til Borgarleikhússins árið 1998 og hefur verið þar allar götur síðan. Telja hlutverk hans í húsinu nú á fjórða tug. Meðal eftirminnilegra hlutverka Halldórs í Borgarleikhúsinu eru Grettir úr samnefndum söngleik, Þráinn í And Björk, of course..., Hänschen í Vorið vaknar, Ósvald í Lé konungi, Skolli í Gosa, Lucky í Beðið eftir Godot, Haddi í Fólkinu í blokkinni og hlutverk hans í Góðum Íslendingum, Ofviðrinu, Strýhærða Pétri og Galdrakarlinum í Oz. Einnig lék Halldór norðurljós og dögg í norskum skógi í Búasögu. Halldór hefur sömuleiðis komið víða við í sjónvarpi, hann hefur leikið í áramótaskaupum og er einn leikara og handritshöfunda Sigtisins sem sýnt var á Skjá einum. Halldór er líka tónlistarmaður og meðlimur í hljómsveitinni Geirfuglunum.

Nýlegar sýningar í Borgarleikhúsinu

Góðir íslendingar		Leikarar
Fólkið í blokkinni		Leikarar
Gosi		Leikarar
Ofviðrið		Leikarar
Enron		Leikarar
Strýhærði Pétur		Leikarar
Galdrakarlinn í Oz		Leikarar
Gyllti drekinn		Leikarar
Fanný & Alexander		Leikarar
Hótel Volkswagen		Leikarar