Guðjón Davíð Karlsson

Guðjón Davíð Karlsson útskrifaðist frá leiklistardeild Listaháskóla Íslands vorið 2005. Guðjón tók þátt í nokkrum söngleikjum fyrir útskrift og má þar nefna Grease sem sýndur var í Borgarleikhúsinu 2003, Hárið í Austurbæ 2004, Kabarett í Íslensku óperunni 2005. Hann var fastráðinn við Leikfélag Akureyrar strax eftir útskrift og var einn helsti burðarás leikhússins þar til hann var ráðinn til Borgarleikhússins árið 2008. Hjá LA fór Guðjón með fjölmörg hlutverk, m. a. Markó í Pakkinu á móti, Bjarna í Fullkomnu Brúðkaupi, Baldur í Litlu hryllingsbúðinni, Díma í Maríubjöllunni, Ralf í Herra Kolbert, Davey í Svörtum ketti og ýmis hlutverk í Ökutímum. Guðjón fer með stórt hlutverk í kvikmyndunum um Sveppa og hann var einnig umsjónarmaður skemmtiþáttarins Hringekjunnar í Sjónvarpinu. Guðjón Davíð er fastráðinn leikari Borgarleikhússins og hefur leikið í Fló á skinni, Fólkinu í blokkinni, Söngvaseið, Heima er best, Gauragangi, Fólkinu í kjallaranum, Ofviðrinu og Nei, ráðherra.

Nýlegar sýningar í Borgarleikhúsinu

Heima er best		Leikarar
Söngvaseiður		Leikarar
Gauragangur		Leikarar
Fólkið í blokkinni		Leikarar
Ökutímar		Leikarar
Ofviðrið		Leikarar
Fólkið í kjallaranum		Leikarar
Nei, ráðherra!		Leikarar
Eldfærin		Höfundur
Eldfærin		Tónlist
Eldfærin		Leikarar
Kirsuberjagarðurinn		Leikarar
Eldhaf		Leikarar
Gói og baunagrasið		Leikgerð
Gói og baunagrasið		Tónlist
Gói og baunagrasið		Leikarar