Unnur Ösp Stefánsdóttir

útskrifaðist frá leiklistardeild Listaháskóla Íslands árið 2002 og hefur síðan starfað við leikhús og kvikmyndir, bæði sem leikari og leikstjóri. Fólkið í blokkinni er fyrsta leikstjórnarverkefni Unnar á vegum Borgarleikhússins en hún framleiddi og leikstýrði kvikmyndinni Reykjavík Guesthouse-rent a bike og leikstýrði söngleiknum Footloose, sem var samstarfverkefni sem sýnt var í Borgarleikhúsinu. Hún var einn stofnenda leikhópanna götuleikhús Zirkus Ziemsen, Kvenfélagið Garpur og Menningarfélag alþýðunnar sem setti upp söngleikinn Hárið 2004. Unnur Ösp hefur leikið ýmis hlutverk bæði í Þjóðleikhúsinu, Borgarleikhúsinu, hjá Sjálfstæðu leikhúsunum og í kvikmyndum. Þar má nefna Krissu í Grease, Dionne í Hárinu, Unni Ösp í 5 stelpum.com og Laufeyju í kvikmyndinni Dís. Í Þjóðleikhúsinu lék Unnur í sýningunum Klaufar og kóngsdætur, Edith Piaf, Halldór í Hollywood og Eldhús eftir máli. Hún var tilnefnd sem besta leikkona ársins í aðalhlutverki sem Dottie í Killer Joe, lék Söru í Herra Kolbert hjá Leikfélagi Akureyrar og Gretu í Hamskiptunum hjá Vesturporti í Lyric Hammersmith leikhúsinu í London árið 2007. Hún lék í Milljarðamærin snýr aftur og Fló á skinni og leikstýrði Fólkinu í Blokkinni í Borgarleikhúsinu. Hún lék  Gretu í Faust, Rannveigu í Nei, ráðherra og nú síðast hlaut hún Grímuverðlaun sem besta leikkona í aðalhlutverki fyrir Donnu í Elsku barn. Eins lék Unnur í sjónvarpsseríum af Rétt.



Nýlegar sýningar í Borgarleikhúsinu

Dúfurnar		Leikarar
Fjölskyldan (Ágúst í Osage-sýslu)		Leikarar
Faust		Leikarar
Milljarðamærin snýr aftur		Leikarar
Fólkið í blokkinni		Leikstjórn
Elsku barn		Leikarar
Nei, ráðherra!		Leikarar
Eldhaf		Leikarar