Bergur Þór Ingólfsson

Bergur Þór Ingólfsson útskrifaðist frá Leiklistarskóla Íslands vorið 1995 og var þá ráðinn til Þjóðleikhússins en hefur verið fastráðinn við Borgarleikhúsið frá árinu 2000. Meðal fjölmargra hlutverka sem Bergur hefur leikið eru Sörensen rakari í Kardemommubænum, Haukur í Grandavegi 7, Heródes í Jesus Christ Superstar, Tarzan í Gretti, Hitler í Mein Kampf, Dante í Dauðasyndunum, kennarinn í Gauragangi og ýmis hlutverk í Jesú litla. Bergur hlaut Grímuverðlaun fyrir hlutverk skólameistarans í Milljarðamærin snýr aftur árið 2009. Hann hefur leikið í sjónvarpsþáttunum Stelpurnar og Venni Páer - og kvikmyndinni Órói. Bergur er einn af stofnendum GRAL-leikhópsins í Grindavík, þar sem hann hefur bæði skrifað og leikstýrt, meðal annars Horn á höfði sem fékk Grímuverðlaun fyrir barnasýningu ársins 2010 en það sama ár hlaut hann einnig verðlaun fyrir Jesú litla, ásamt félögum sínum í Borgarleikhúsinu, bæði fyrir sýningu ársins og handrit ársins.  Bergur hefur leikstýrt Kristnihaldi undir jökli, Móglí og Galdrakarlinn í Oz hjá Borgarleikhúsinu.


Nýlegar sýningar í Borgarleikhúsinu

Jesús litli		Leikarar
Dauðasyndirnar		Höfundur
Dauðasyndirnar		Leikarar
Góðir íslendingar		Leikarar
Söngvaseiður		Leikarar
Gauragangur		Leikarar
Milljarðamærin snýr aftur		Leikarar
Vestrið		Leikarar
Horn á höfði		Höfundur
Horn á höfði		Leikstjórn
Enron		Leikarar
Nei, ráðherra!		Leikarar
Galdrakarlinn í Oz		Þýðing
Galdrakarlinn í Oz		Leikstjórn
Eldhaf		Leikarar
Hótel Volkswagen		Leikarar