Kristín Eysteinsdóttir

Kristín Eysteinsdóttir lauk meistaragráðu í leikstjórn frá Goldsmiths, University of London árið 2007 en áður hafði hún lokið BA námi í dramatúrgíu frá Árósarháskóla árið 2002. Hún hefur leikstýrt verkunum Vinur minn Heimsendir í Hafnarfjarðarleikhúsinu, Penetreitor sem leikhópurinn Vér Morðingjar setti upp, Gangverkinu hjá Nemendaleikhúsi Listaháskólans, Heddu Gabler og Þeim Ljóta hjá Þjóðleikhúsinu, en fyrir þá síðarnefndu hlaut hún Grímuverðlaunin sem leikstjóri ársins 2008. Hjá Borgarleikhúsinu hefur Kristín leikstýrt sýningunum Rústað, Rautt brennur fyrir, Dúfunum, Fólkinu í kjallaranum og Gyllta drekanum auk þess sem hún leikstýrði Harry og Heimi í félagi við leikara sýningarinnar. Kristín hefur jafnframt leikstýrt við Útvarpsleikhúsið og starfað sem dramatúrg og aðstoðarleikstjóri við fjölda sýninga. Kristín er stundakennari við leiklistardeild Listaháskóla Íslands og er um þessar mundir fastráðinn leikstjóri við Borgarleikhúsið.

Nýlegar sýningar í Borgarleikhúsinu

Rautt brennur fyrir		Leikstjórn
Dúfurnar		Leikstjórn
Rústað		Leikstjórn
Fólkið í kjallaranum		Leikstjórn
Gyllti drekinn		Leikstjórn
Svar við bréfi Helgu		Leikstjórn