Charlotte Bøving

Charlotte Bøving lauk leiklistarnámi við leiklistarskólann í Árósum árið 1992. Hún lék ýmis hlutverk við Aarhus teater á árunum 1992 til 1996, meðal annars Ariel í Ofviðrinu eftir Shakespeare, Maríu í Sjúk æska eftir Brückner og Víólu í Þrettándakvöldi Shakespeares. Hún lék við ýmis leikhús í Kaupmannahöfn á árunum 1996 til 1999, meðal annars Katrine í Die Fremdenführerin eftir Botho Strauss og Toru í Bildmakarna eftir Per Olov Enquist. Hún hefur einnig leikið í sjónvarpi, útvarpi og kvikmyndum. Charlotte hefur fengið nokkur verðlaun á sviði leiklistar, Inge Dams skuespillerlegat 1994, Bikubens Gule kort 1995 og Henkelprisen 1995. Charlotte hefur búið á Íslandi frá árinu 2000. Hún leikstýrði söngleiknum Kabarett í Kvennaskólanum og Ævintýrinu um Rauðhettu og úlfinn í Hafnarfjarðarleikhúsinu, en hún samdi jafnframt handrit síðarnefndu sýningarinnar. Hún samdi einnig einleikinn Hin smyrjandi jómfrú sem hún lék í Iðnó.

Nýlegar sýningar í Borgarleikhúsinu

Bláa gullið		Leikstjórn
Fanný & Alexander		Leikarar