Filippía Elísdóttir

Filippía Elísdóttir hefur hannað búninga fyrir fjölda leiksýninga hjá flestum leikhúsum landsins. Þeirra á meðal Leitt hún skyldi vera skækja, Meiri gauragang, Engispretturnar og Virkjunina í Þjóðleikhúsinu. Einnig gerði hún búninga fyrir Draum á Jónsmessunótt, Hamlet og Ríkarð þriðja í samstarfi við Vytautas Narbutas og aðstoðaði sama listamann við búninga fyrir Kirsuberjagarðinn. Filippía gerði búninga fyrir söngleikinn Rocky Horror í Loftkastalanum, Hamlet í Odense Teater í Danmörku, Híbýli vindanna, Fjandmann fólksins, Gretti og Boðorðin 9 og Woyzeck í Borgarleikhúsinu. Hún gerði búninga fyrir Sweeney Todd, Flagarann, Brootnámið og La Traviata í Íslensku óperunni. Hún hannaði einnig leikmynd og búninga fyrir Svartan kött hjá LA, Líkamlega leikhúsverkið Open Source fyrir My pocket production og Íslenska dansflokkinn. Killer Joe fyrir Leikhúsið Skámána. Meðal síðustu verkefna Filippíu eru búningar fyrir Fólkið í blokkinni og Milljarðamærin snýr aftur á Stóra sviði Borgarleikhússins, Velkomin heim hjá ÍD og einleikinn Ég heiti Rachel Corrie á Litla sviði Borgarleikhússins. Hún hefur hlotið fjölda tilnefninga til Grímunnar og hlaut verðlaunin fyrir Sweeney Todd, Virkjunina og Woyzeck.

Nýlegar sýningar í Borgarleikhúsinu

Faust		Búningar
Gauragangur		Búningar
Milljarðamærin snýr aftur		Búningar
Fólkið í blokkinni		Búningar
Ökutímar		Leikmynd
Ökutímar		Búningar
Ég heiti Rachel Corrie		Leikmynd
Ég heiti Rachel Corrie		Búningar
Ofviðrið		Búningar