Skráning hafin á námskeið vetrarins
Sneisa full dagskrá í vetur hjá Sönglist
Byrjendahópar í Sönglist fá kennslu í söng og leiklist. Í söngtímum eru fimm nemendur í hverjum sönghóp.
Sungið er í hljóðnema við undirspil af geisladiskum. Áhersla er lögð á rétta söngtækni.
Í leiklistartímum eru tveir sönghópar saman. Þar er markvisst unnið að því að virkja sköpunarkraft nemenda og
að efla sjálfstraust þeirra. Farið er í spuna, textaæfingar og raddbeitingu. Í sjöttu viku fær hver sönghópur afhentan
lítinn söngleik sem æfður er fram að annarlokum. Nemendasýningar fara fram í lok hverrar annar sem er í 12
vikur. Kennsla hjá byrjendum fer fram í undirbúningsdeild Sönglistar, sem er í Borgartúni 1 og fara nemendasýn-
ingar þeirra hópa fram í Iðnó.
Þegar komið er í framhaldshóp heldur sú kennsla, sem áður er upptalin, áfram, en gerðar eru meiri kröfur til
nemenda með þyngri verkefnum. Framhaldshópum er bæði kennt í Borgarleikhúsinu og í Borgartúni 1. Í
Listhópum skólans, sem eru sjö talsins, læra nemendur, fyrir utan það sem á undan er talið, m.a. förðun,
talsetningu teiknimynda, sviðsbardaga o.fl. Miklar kröfur eru gerðar um ástundun náms hjá þessum hópum
og er valið sérstaklega í þá af skólastjórnendum. Söngleikjadeild Sönglistar var stofnuð í ársbyrjun 2009.
Þar þarf að þreyta inntökupróf til að hljóta skólavist. Kennsla hjá söngleikjadeildinni fer fram í Borgartúni 1
Sönglist rekur einnig barna- og unglingaleikhúsið Borgarbörn sem setja árlega upp jólasýningar fyrir börn og unglinga auk annara verkefna. Má þar nefna jólaleikritið “Rétta leiðin”, “María, asninn og gjaldkerarnir”,
“Allt í misgripum” eftir Shakespeare og unglingaleikritið “Alsæla” Borgarbörn eru aðilar að Bandalagi
íslenskra leikfélaga sem gefur þeim m.a. tækifæri á að sækja leikhúshátíðir erlendis.
Allir kennarar skólans eru fagmenntaðir.