Laugardagur 14. Apríl 2018

1119 krakkar skráðu sig í áheyrnarprufur fyrir Matthildi


Alls mættu 1119 krakkar í Borgarleikhúsið á miðvikudaginn til þess að skrá sig í opnar áheyrnarprufur fyrir söngleikinn Matthildi sem verður frumsýndur í mars 2019. Áheyrnarprufurnar, sem fara fram næstu daga í leikhúsinu, eru fyrir krakka sem eru fæddir á árunum 2006 til 2011 og ljóst að það er mikill áhugi á krökkum á þessum aldri. Skráningin gekk vel fyrir sig þrátt fyrir mikinn fjölda og þrátt að röðin hafi á tímabili náð um allt anddyri Borgarleikhússins, út á bílastæði og þaðan lengra en næsti inngangur í Kringluna.

Matthildur_áheyrn_skráning001

Sem fyrr segir munu þessir rúmlega þúsund krakkar svo keppa um hlutverk í söngleiknum Matthildi og verða það meðal annarra leikstjórinn, Bergur Þór Ingólfsson, og danshöfundurinn, Lee Proud, sem munu velja úr þessu stóra hópi þá sem fá hlutverk. Auk þeirra tveggja verður listrænir stjórnendur Agnar Már Magnússon, tónlistarstjóri, Ilmur Stefánsdóttir, leikmyndahönnuður, María Th. Ólafsdóttir, búningahönnuður og Þórður Orri Pétursson, sem sér um lýsingu. Gísli Rúnar Jónsson sér svo um íslenskun leikritsins.

Matthildur_áheyrn_skráning004

Matthildur er nýr söngleikur sem byggir á samnefndri sögu Roalds Dahl. Söngleikurinn var frumsýndur hjá Royal Shakespeare Company í Stratfort-upon-Anon, fæðingarbæ Shakespeares, árið 2010. Fluttur síðar á West End og Broadway og víða slegið aðsóknarmet enda einstaklega glæsilegur fjölskyldusöngleikur sem hefur hlotið hátt í hundrað verðlaun af ýmsu tagi og þar af 16 verðlaun sem Besti söngleikur.  Enginn annar en leikskáldið Dennis Kelly sem hefur samið fjölda framúrskarandi leikrita. Við sýndum Elsku barn árið 2011. Ástralinn Tim Minchin samdi tónlistina. Líklega er hann einn fremsti tónsmiður nú um stundir og hefur fengið fjölda verðlauna, nú síðast Olivier-verðlaunin fyrir söngleikinn Groundhog Day sem sýndur var í Old vic í London og á Broadway í fyrra og hitteðfyrra.

Matthildur_áheyrn_skráning005