Auglýsum eftir hugmyndum fyrir Umbúðalaust
Borgarleikhúsið auglýsir eftir hugmyndum frá ungu sviðslistafólki að sýningum fyrir Umbúðalaust – Stúdíó Borgarleikhússins á þriðju hæðinni.
Umbúðalaust er vettvangur til að þróa verkefni og setja upp sýningar í hráu rými með lítilli umgjörð.
Markmiðið með Umbúðalausu er að styrkja grasrótarstarf í íslensku sviðslistalífi og efla tengsl nýrra sviðshöfunda við áhorfendur. Umsóknarfrestur er til og með 18. mars 2022.
Umsækjendum verður boðið að kynna hugmyndir sínar dagana 4. – 6. apríl og fær hver umsækjandi/hópur 10 mínútur til að umráða. Að hámarki þrjú verkefni verða síðan valin sem viðkomandi sviðshöfundar þróa áfram í samstarfi við starfsfólk Borgarleikhússins. Hvert verkefni fær ákveðna upphæð, umgjörð og takmarkaðan tíma til að vinna sýninguna. Sýningarnar verða á dagskrá leikhússins á næsta leikári 2022/2023.
Með umsókn skal fylgja:
- Nafn, heimilisfang, netfang, símanúmer
- Ferilskrá
- Stutt lýsing á hugmynd (100-150 orð)
- Umsóknir skulu sendar í tölvupósti, leikritun@borgarleikhus.is merkt “UMBÚÐALAUST” ekki síðar en 18. mars 2022.
Nánari upplýsingar veitir Halla Björg Randversdóttir, fræðslustýra Borgarleikhússins hallabjorg@borgarleikhus.is