Frumsýning á Síðustu dögum Sæunnar
Síðustu dagar Sæunnar verður frumsýnd 28. október næstkomandi. Með hlutverk í sýningunni fara Guðrún Gísladóttir, Jóhann Sigurðarson og Snorri Engilbertsson.
Um er að ræða nýtt verk eftir Matthías Tryggva Haraldsson sem er fráfarandi leikskáld Borgarleikhússins. Leikstjórn er í höndum Unu Þorleifsdóttur og tónlist er eftir Gísla Galdur Þorgeirsson. Síðustu dagar Sæunnar er ljúfsárt leikrit um nánd og fjarlægð, dauðann, maukaðan mat og leitina að sátt.