Ný þýðing á Ríkharði III gefin út á bók
Ný þýðing Kristjáns Þórðar Hrafnssonar á Ríkharði III eftir Shakespeare í aðlögun Brynhildar Guðjónsdóttur og Hrafnhildar Hagalín hefur verið gefin út á bók.
Sýningin var frumsýnd í Borgarleikhúsinu þann 29. desember síðastliðinn og hefur hlotið gríðarlega góðar viðtökur gesta og gagnrýnenda. Sýningin fékk fimm stjörnu dóma bæði í Morgunblaðinu og Fréttablaðinu og hlaut þýðingin sérstakt hrós sem og skýr framsetning sögunnar.
Ríkharður III kemur út í ritröð Borgarleikhhússins en áður hafa verið gefin út leikritin Tvískinnungur eftir Jón Magnús Arnarsson, Kartöfluæturnar, Auglýsing ársins og Bláskjár einnig eftir Tyrfing Tyrfingsson, Sending eftir Bjarna Jónsson, Flóð eftir Hrafnhildi Hagalín og Björn Thors og Hystory eftir Kristínu Eiríksdóttur.
Bókaútgáfan er mikilvægur þáttur í þeirri stefnu Borgarleikhússins að efla íslenska leikritun og styrkja stöðu hennar til framtíðar með útgáfu verkanna í varanlegu og eigulegu formi. Borgarleikhúsið stefnir að því að gefa út þrjú til fjögur verk á hverju leikári en Þorvaldur Kristinsson bókmenntafræðingur annast útgáfuna fyrir hönd leikhússins. Listakonan Kristín Gunnarsdóttir hannar kápu og annast umbrot.
Hægt er að kaupa bækurnar í miðasölu og forsal Borgarleikhússins og verslunum Pennans Eymundsson auk Bóksölu stúdenta í Háskóla Íslands.
Þá hefur Leikritaklúbbur Borgareikhússins hafið göngu sína og fá meðlimir klúbbsins veglegan afslátt og fría heimsendingu. Sendu okkur póst á leikritaklubbur@borgarleikhus.is