Edward Albee Hver er hræddur við Virginiu Woolf?


Lengd
2 klst og 30 mín    
Svið
Nýja sviðið    
Verð
5.500 kr.    

Marta og Georg elska hvort annað. Þau vita allt um sig og lífið en samt - eða einmitt þess vegna- eru þau ekki hamingjusöm. Hann er sögukennari við lítinn háskóla, hún heimavinnandi. Að lokinni rektorsveislu í háskólanum býður Marta nýja unga líffræðikennaranum og konu hans heim í eftirpartý án vitneskju eiginmanns síns. Hann þekkir allt of vel gestaleiki konu sinnar. Hún veit allt um völd sín og áhrif og nýtur þess að leika sér að tilfinningum annarra. Miskunnarlaus stigmagnandi barátta hrekur fjórar glæsilegar persónur út á ystu nöf í þessu stórkostlega leikriti.

Edward Albee er eitt fremsta leikskáld Ameríku. Leikritið “Hver er hræddur við Virginiu Woolf” var frumsýnt í New York árið 1962 og kvikmyndað skömmu síðar með þeim Elizabeth Taylor og Richard Burton og hefur allar götur síðan talist til sígildra leikrita og leikið um allan heim. Leikritið og höfundurinn eru margverðlaunuð í bak og fyrir og hefur meðal annars hlotið Pulizer-verðlaunin í tvígang.


Úr gagnrýni;
 „Magnaður samleikur" SBH. MBL ****
 „fantaflott uppfærsla á frábæru leikriti" SBH. MBL ****
„framúrskarandi leikur" SBH. MBL ****

„Hágæða heimilishryðjuverk" SJ. Fbl.**** 

„Þessi baneitraði heimiliskvartett er skylduáhorf" SJ. Fbl.**** 

„Egill Heiðar Anton Pálsson leikstjóri og hans teymi allt vinnur stórsigur með túlkun sinni á verki Albees." JSJ. Kvennablaðið

„Þetta er leiklist í hæsta gæðaflokki." SA. tmm.is   

„Margrét og Hilmir eru bæði ofurleikarar sem geta verið grótesk, hömlulaus, trúðar eða púkar" DK. Hugras.is