Illska


Frumsýning
Apríl 2017    
Svið
Litla svið    
Tegund
Nútímaverk    
Verð
5.950 kr.    

Agnes er ástfangin af Ómari sem er ástfanginn af Agnesi sem er ástfangin af Arnóri sem er ísfirskur nýnasisti.

Illska er ástarsaga úr Íslandi nútímans. Hárbeitt ádeila á stefnur og strauma í íslensku þjóðfélagi og veltir upp spurningum sem erfitt er að spyrja, og enn erfiðara að svara.

Getum við setið hjá á meðan heimurinn breytist? Verðum við að gæta bræðra okkar og systra? Erum við að sofna aá verðinum? Hvað verður um þrjú hundruð þúsund manna þjóð ef landamærin opnast og við dembum okkur á bólakaf í fjölmenningarþjóðfélag 21. aldarinnar? Lifir íslensk menning, þjóð og tunga það af?

Óskabörn ógæfunnar er sjálfstætt starfandi leikhópur sem kom eins og ferskur blær inn í íslenskt leikhúslíf árið 2012. Sýningar hópsins hafa alla jafnan vakið mikla athygli fyrir hugrekki og nýstárleika.

Eiríkur Örn Norðdahl (1978) er einn framsæknasti höfundur sinnar kynslóðar og hefur vakið mikla athygli fyrir verk sín, bæði ljóð og skáldsögur.

Illska hlaut Íslensku bókmenntaverðlaunin 2012 og bóksalar kusu hana bestu skáldsögu ársins. Einnig fékk hún tilnefningu
til Bókmenntaverðlauna Norðurlandanna 2013.

Úr gagnrýni:

„Illska er fyndin, beitt og ágætlega vel heppnuð skoðun á tilfinningaglímu þriggja ráðvilltra ungra Íslendinga" ÞT. Mbl 
„óskaplega áhrifarík" HA. Kastljós 
„Meinfyndin" HA. Kastljós
„Ansi áhrifamikil sýning" HA. Kastljós
„Stórgóð Illska" HA.Kastljós 
„Sólveig var kraftmikil, viðkvæm, angistarfull og sannfærandi" BL.DV 
„Stjarna sýningarinnar er Sveinn Ólafur Gunnarsson sem fer á kostum í hlutverki nýnasistans Arnórs." BL.DV
„þetta er að öllum líkindum ein mikilvægasta sýning leikhúsanna í nokkurn tíma og listamönnunum til mikils sóma." BL.DV 
„Sólveig beinlínis springur út. Kraftmikil og blæbrigðarík í allri túlkun á gleði og sút" MK. Víðsjá
„Hefði  ég ekki andúð á efsta stigi lýsingarorða myndi ég að lokum lofsyngja, hástemmd,  leikstjórann Vigni Rafn Valþórsson , leikhópinn Óskabörn ógæfunnar og alla aðstandendur.  En verð að láta mér nægja að hvetja fólk til sjá þessa mikilvægu sýningu. " MK. Víðsjá