Einar er alltaf einn. Líka á jólunum. En Einari leiðist aldrei. Hann finnur alltaf upp á einhverju til að gera einveruna áhugaverða.

Jólaflækja

Litrík jólasýning fyrir þau yngstu

Einar er alltaf einn. Líka á jólunum. En Einari leiðist aldrei. Hann finnur alltaf upp á einhverju til að gera einveruna áhugaverða.  Þegar hann lokast uppi á háalofti heima hjá sér á aðfangadag þarf hann að gera sitt besta til að halda hátíðina heilaga. En Einar er óheppinn og á það til að flækjast í jólaseríum eða lenda i slagsmálum við hangikjöt.  

Þessi sýning var tilnefnd til Grímuverðlauna með Berg Þór Ingólfsson í aðalhlutverki en hann er einnig höfundur og leikstjóri sýningarinnar. Barna- og fjölskyldusýningar Bergs eru margrómaðar.  Má þar nefna Mary Poppins, Billy Elliot, Horn á höfði, Hamlet litla og Bláa hnöttinn. Í tvö ár hefur hann leikið þessa sýningu fyrir unga áhorfendur á aðventunni en nú mun hinn fjölhæfi gamanleikari, Björgvin Franz Gíslason, taka að sér hlutverk Einars og hringja inn jólin á gamansaman og hjartnæman hátt fyrir yngstu áhorfendur Borgarleikhússins og fjölskyldur þeirra.

 

Gagnrýni

Yljar áhorfendum og minnir okkur á að jólin snúast ekki um gjafirnar heldur samveruna við annað fólk

SBH. Morgunblaðið

Varla hægt að gefa börnum betri gjöf

MK. Víðsjá

 

Leikarar

  • Björgvin Franz GíslasonEinar

Listrænir stjórnendur

  • Höfundur

    Bergur Þór Ingólfsson
  • Leikstjórn

    Bergur Þór Ingólfsson
  • Leikmynd og búningar

    Móeiður Helgadóttir
  • Lýsing og tónlist

    Garðar Borgþórsson

 

Ég dey

„Ég var orðin 50 ára þegar ég uppgötvaði að ég myndi á einhverjum tímapunkti deyja. Ég furðaði mig á því hvernig ég gat komist hjá því í svona langan tíma að horfast í augu við dauðann. Þessi sýning er unnin út frá þessari uppgötvun.”

Nánar

Óður og Flexa: Rafmagnað ævintýri

Óður og Flexa snúa aftur í rafmögnuðu ævintýri á Listahátíð í Reykjavík 2018.

Nánar