Rocky Horror
- Stóra sviðið
- 2 klst. og 30 mín., eitt hlé
- Verð: 8.950 kr.
- Sýningum lokið
Fjörið heldur áfram fyrir fullu húsi á Stóra sviðinu - fyrir þau sem eiga eftir að prófa í fyrsta skipti og líka fyrir þau sem vilja fá það aftur. Í þessum sígilda tímamótasöngleik leitar kærustuparið, Brad og Janet, ásjár í gömlum kastala í aftakaveðri eftir að springur á bílnum hjá þeim.
Rocky Horror
Besta partý sem þú munt nokkurn tímann upplifa!
Fjörið heldur áfram fyrir fullu húsi á Stóra sviðinu - fyrir þau sem eiga eftir að prófa í fyrsta skipti og líka fyrir þau sem vilja fá það aftur. Í þessum sígilda tímamótasöngleik leitar kærustuparið, Brad og Janet, ásjár í gömlum kastala í aftakaveðri eftir að springur á bílnum hjá þeim. Þar hitta þau fyrir klæðskiptinginn og vísindamanninn Frank-N-Furter og teymi hans sem er skipað skrautlegum persónum, m.a. nýjasta sköpunarverkinu– vöðvatröllinu Rocky. Unga parið glatar sakleysi sínu smátt og smátt enda freistingarnar margar og endirinn kemur alltaf jafn skemmtilega á óvart.
Rocky Horror er fyrir löngu orðinn klassískur söngleikur. Hann var frumsýndur í Royal Court leikhúsinu í London árið 1973 og hefur síðan farið sigurför um heiminn, ekki síst á hvíta tjaldinu og mörg laganna hafa öðlast sjálfstætt líf. Þótt gleðin sé í fyrirúmi fjallar Rocky Horror Show líka um mikilvægt málefni: Réttinn til að vera sá sem maður er, með öllum sínum sérkennum og á því sérlega brýnt erindi á meðan valdamesta fólk heims ýtir undir og elur á ótta og hatri í garð jaðarhópa.
Páll Óskar ft. Haraldur Ari og Þórunn Arna - Kynsnillingur
Leikarar
- Arnar Dan Kristjánsson
- Björn Stefánsson
- Brynhildur Guðjónsdóttir
- Halldór Gylfason
- Haraldur Ari Stefánsson
- Katla Margrét Þorgeirsdóttir
- Páll Óskar Hjálmtýsson
- Þórunn Arna Kristjánsdóttir
- Vala Kristín Eiríksdóttir
- Valdimar Guðmundsson
Það eru djörf atriði í sýningunni. Börn eru á ábyrgð forráðamanna.