Vegbúar


Svið
Litla svið    
Verð
5.500 kr.    

Myndir úr sýningunni

Tónlistarmaðurinn KK stígur á svið og segir sögu gítaranna sinna sem hafa fylgt honum í blíðu og stríðu í gegnum árin. Hann greinir frá uppruna þeirra og sérstökum tengslum sínum við hvern og einn þeirra - allir tengjast þeir á einn eða annan hátt skrautlegu lífi og örlögum erlendra trúbadora sem áttu það sameiginlegt að þrá réttlæti og frelsi. í verkinu tvinnast þessar sögur saman við lífshlaup KK sjálfs, spurt er um mikilvægi tónlistarinnar, mátt hennar í hörðum heimi og leitina eilífu að hinum „eina sanna tóni“. KK slær á sína alkunnu strengi og fer með áhorfendur í ógleymanlegt ferðalag.


Jón Gunnar Þórðarson (1980) útskrifaðist með BA gráðu í leikstjórn frá Drama Centre í London. Hann hefur leikstýrt tugum verka hér heima og erlendis og unnið sem aðstoðarleikstjóri hjá Royal Shakespeare Company og Vesturporti. Þá hefur hann skrifað og staðfært fjölda verka.

Kristján Kristjánsson KK (1956) er með þekktustu tónlistarmönnum landsins. Hann hefur samið lög og leikið inn á hljómplötur og geisladiska um áratugaskeið og unnið til yfir tuttugu gull og platínuverðlauna fyrir tónlist sína. Hann samdi tónlistina við leikrit John Steinbecks Þrúgur reiðinnar og Fjölskylduna sem bæði slógu aðsóknarmet í Borgarleikhúsinu.


Úr gagnrýni:

„Ótrúlega og verulega vel unnin sýning sem KK og Jón Gunnar Þórðarson hafa unnið saman." HA - Kastljós

„Leikmyndin hjá Móðeiði Helgadóttur lyftir þessu upp í hæðir og lýsingin og videóið, þetta er ótrúlega flott stemning!

Manni líður mjög vel frá fyrstu mínútu!"  
HA - Kastljós

„KK hefur þann einstaka hæfileika að fylla þögnina með nærveru sinni, afslappaðri framkomu og einlægni" SJ - Fbl  ****

„KK er tónlistarmaður sem hefur snert hjartastrengi ótal margra á sínum langa ferli og Vegbúar er enn ein skrautfjöðrin í hans hatt" SJ - Fbl   ****

„Kristján er með afbrigðum góður sögumaður" HSK - Mbl

„Kvöldstund með KK er nokkuð sem enginn ætti að láta framhjá sér fara" HSK - Mbl 

„Elskuleg og skemmtileg kvöldstund" DK - hugras.is

„KK hefur mikla en hógværa útgeislun, lúmskan húmor og pólitískan brodd" DK - hugras.is