Borgarleikhúsið

Veisla

  • Stóra sviðið
  • 1 klst. og 30 mín.
  • Verð: 6.950 kr.

Það er bara ekkert skemmtilegra en gott partý! Geggjuð stemning, vinir í glasi, gjafir, bestu lögin spiluð hátt, gott slúður og grillaðar pylsur á miðnætti. En það er hægt að klúðra þessu. Kannski leigir maður of stóran sal eða velur of flókið þema. 

Veisla

Það bara verður að vera gaman!

Þjóðin er orðin veisluþyrst og Veisla er kærkomin vökvun eftir langa þurrð. Á meðan heimsfaraldri stendur komst þjóðin ekki í neina stóra veislu. Hugsa sér öll afmælin sem enginn gat mætt í, árshátíðirnar, útskriftarveislurnar, brúðkaupin, kóramótin og matarboðin. Að ekki sé minnst á alla óbökuðu heitu brauðréttina og kransakökurnar sem aldrei voru snæddar eða freyðivínið sem aldrei var dreypt á úr plastglösum á völtum fæti. Þá eru ótalin löngu trúnóin við hálfókunnugar konur, slúður um valdamikið fólk, hátt spiluð lög og grillaðar pylsur á miðnætti. Þjóðin á inni risa summu í Gleðibankanum og við bjóðum áhorfendum í allt sem þeir hafa misst af í einni stórkostlegri Veislu í Borgarleikhúsinu. 

Hér sameina krafta sína þau Bergur Þór Ingólfsson, þaulreyndur leikhúsmaður og Saga Garðarsdóttir, fyndlistakona, en síðast unnu þau saman við hina geysivinsælu sýningu Kenneth Mána sem frumsýnd var á Litla sviði Borgarleikhússins árið 2014. Partýpinninn Berndsen gerir tónlistina og Veisla verður því bragðgóð en görótt blanda af grínsketsum sem leikhópurinn skrifar saman og tónlist sem svarar áleitnum spurningum á borð við hvort tartalettur séu góðar í alvörunni og hversu hratt skuli ganga um gleðinnar dyr.

Stikla

VeislaMakalaust

Gagnrýni

"...ég játa að ég hló mig hálfrænulausa á köflum."

S.A. TMM

"Veisla er kærkomin skemmtidagskrá fyrir veisluþyrsta landsmenn. Hún bætir, hressir og kætir."

S.B.H Morgunblaðið

Leikarar

  • Björn Stefánsson
  • Ásthildur Úa Sigurðardóttir
  • /media/leikarar/halldor-gylfason.jpgHalldór Gylfason
  • /media/leikarar/katla-margret.jpgKatla Margrét Þorgeirsdóttir
  • Saga GarðarsdóttirSaga Garðarsdóttir
  • Sigrún Edda Björnsdóttir
  • Sigurður Þór Óskarsson

Listrænir stjórnendur

  • Yfirumsjón með handrit

    Saga Garðarsdóttir
  • Höfundar

    Saga Garðarsdóttir
    Katla Margrét Þorgeirsdóttir
    Sigrún Edda Björnsdóttir
    Sigurður Þór Óskarsson
    Halldór Gylfason

  • Leikstjórn

    Bergur Þór Ingólfsson

  • Leikmynd og búningar

    Eva Signý Berger 

  • Lýsing

    Ingi Bekk

  • Upptökustjórn og útsetningar

    Þórður Gunnar Þorvaldsson

  • Tónlist

    Davíð Berndsen 

  • Danshöfundur

    Unnur Elísabet Gunnarsdóttir
  • Leikgervi

    Guðbjörg Ívarsdóttir