Hjörtur Jóhann Jónsson útskrifaðist frá leiklistardeild Listaháskóla Íslands vorið 2012 og hefur síðan starfað á leiksviði, í kvikmyndum og sjónvarpi. Hann hlaut fastráðningu hjá Borgarleikhúsinu árið 2015 og meðal nýlegra verkefna hans má nefna Emil í Kattholti, Macbeth og Níu líf. Hjörtur hefur tvívegis hlotið Grímuverðlaunin; fyrir hlutverk sitt sem Skarphéðinn Njálsson í Njálu og titilhlutverkið í Ríkharði III 2019.