Þórunn Arna Kristjánsdóttir útskrifaðist frá tónlistardeild Listaháskóla Íslands árið 2006 og fjórum árum síðar lauk hún BFA gráðu frá leiklistardeild sama skóla. Frá útskrift hefur Þórunn unnið bæði í Þjóðleikhúsinu og Borgarleikhúsinu. Meðal nýlegra verkefna hennar má nefna Fyrrverandi, Macbeth og Fúsa. Hún hefur einnig leikstýrt (Ofurhetjumúsinni, Emil í Kattholti og Fíasól gefst aldrei upp) sem og skrifað leikgerðir. Þórunn hefur hlotið tilnefningar til Grímunnar bæði fyrir leik og söng.