Að­al­heið­ur Ólafs­dótt­ir

Heiða Ólafsdóttir starfar sem söngkona og leikkona við hin fjölbreyttustu tilefni og verkefni. Hún hefur unnið sem söngkennari frá árinu 2005, eða í 20 ár. Hún er með 5. Stig í klassískum söng frá Söngskólanum í Reykjavík ásamt eins árs masterclass frá Complete Vocal Institute í Danmörku. Leiðin lá svo til New York þar sem Heiða lærði leiklist og söng og bætti nýrri tækni við í söng bankann en Heiða útskrifaðist frá Circle in the square theater school sem leikkona á söngleikjabraut árið 2009. Söngverkefnin eru óteljandi og fjölbreytt, hún hefur leikið í allskonar söngleikjum og í sjónvarpsþáttum ásamt því að talsetja barnaefni fyrir sjónvarp og kvikmyndahús. Hún hefur einnig gefið út tvær sólóplötur, árið 2005 og 2019 og starfaði sem útvarpskona á Rás 2 um 10 ára skeið.