Esther Tal­ía Casey

Esther Talía Casey útskrifaðist frá leiklistardeild LHÍ árið 2003. Hún hefur frá útskrift m.a. leikið með Leikfélagi Akureyrar, Leikfélagi Reykjavíkur og í Þjóðleikhúsinu. Esther hefur jafnframt leikið í kvikmyndum og sjónvarpi og komið fram sem söngkona. Af nýlegum verkefnum hennar í Borgarleikhúsinu má nefna Níu líf, Deleríum búbónis og Ungfrú Ísland. Esther var tilnefnd til Grímunnar fyrir leik sinn í Sumarljósi í Þjóðleikhúsinu.