Eva Hall­dóra Guð­munds­dótt­ir

Eva Halldóra Guðmundsdóttir er sviðshöfundur, leikstjóri og stundar nú mastersnám í listkennslu við LHÍ. Hún útskrifaðist af Sviðshöfundabraut Listaháskóla Íslands árið 2015 og vinnur nú að tveimur verkum sem dramatúrg sem sýnd verða í Borgarleikhúsinu og Tjarnarbíó leikárið 2025-2026. Hún er yfirkennari og leikstjóri hjá Leiklistarskóla Borgarleikhússins og sjálfstætt starfandi listamaður. Hún var hugmyndasmiður og leikstjóri útvarpsleikritsins Ástarvitans sem nýverið hlaut tilnefningu til ljósvakaverðlaunanna Prix Europa. Hún hefur unnið sem sviðslistarýnir hjá Víðsjá ásamt því að hafa viðburðastýrt hátíðum eins og Barnamenningarhátíð, BIG BANG festival og European Film Awards. Ásamt því að leikstýra og kenna í Leiklistarskóla Borgarleikhússins hefur Eva hefur sýnt verk á listahátíðinni Plöntutíð, unnið útvarpsþáttinn Diskódruslan og Römm er sú taug fyrir Rás 1 og leikstýrt uppsetningu Frúardags á verkinu Ástin er diskó lífið er pönk.