Gunn­laug­ur Bjarna­son

Gunnlaugur Bjarnason er söngvari, uppalinn á Selfossi þar sem hann tók sín fyrstu skref í tónlist við Tónlistarskóla Árnesinga. Seinna meir lauk hann framhaldsprófi í söng frá Menntaskóla í tónlist. Árið 2023 lauk hann meistaraprófi í sama fagi við Konunglega tónlistarháskólann í Den Haag í Hollandi. Frumraun hans á óperusviðinu var í september 2022 en þá lék hann eitt af burðarhlutverkunum í óperunni Mærþöllu eftir Þórunni Guðmundsdóttur.

Gunnlaugur hefur á síðustu misserum komið fram á fjölmörgum ljóðatónleikum hér á landi, meðal annars Sönghátíð í Hafnarborg, Englum og mönnum í Strandarkirkju, Þrístökkinu á Fagurhólsmýri, Kúnstpásu Íslensku óperunnar o.fl. Þá hefur hann líka komið fram sem einsöngvari með Sinfóníuhljómsveit Suðurlands.