Katrín Gunn­ars­dótt­ir

Katrín Gunnarsdóttir útskrifaðist sem dansari og danshöfundur frá ArtEZ Listaháskólanum í Hollandi árið 2008. Hún hefur starfað í fjölmörgum verkefnum í sviðslistum í sjálfstæðu senunni en einnig fyrir Þjóðleikhúsið, Íslenska Dansflokkinn, Íslensku Óperuna, Teater Republique í Kaupmannahöfn og Toneelgroep Amsterdam. Af verkefnum síðustu ár sem höfundur má nefna Eyður með Marmarabörnum, ÞEL fyrir Íslenska dansflokkinn og innsetninguna ALDA sem sett var upp í Gerðarsafni og í söfnum og galleríum í Noregi og Finnlandi. Katrín hefur hlotið fjölmargar viðurkenningar fyrir verk sín og þrisvar hlotið Grímuverðlaunin sem danshöfundur ársins, en einnig sem dansari ársins 2016 og fyrir dans- og sviðshreyfingar ársins 2020.