Pét­ur Ern­ir Svavars­son

Pétur Ernir Svavarsson útskrifaðist með láði frá Royal Academy of Music í London með MA gráðu í söngleikjum vorið 2023. Einnig útskrifaðist hann með tvöfalda bakkalárgráðu í píanóleik og söng frá Listaháskóla Íslands vorið 2022. Pétur hefur komið fram við hin ýmsu tilefni sem söngvari og leikari og fór hann t.d. með hlutverk sögumanns og söngvara á Astrid Lindgren fjölskyldutónleikum Sinfóníuhljómsveitar Íslands. Þá var hann valinn til að taka þátt í Hljómsveitarstjóraakademíu Sinfóníuhljómsveitarinnar árið 2020. Í vetur mun hann taka þátt í Moulin Rouge! söngleiknum sem og Galdrakarlinum í Oz.