Sig­ur­bjart­ur Sturla Atla­son

Sigurbjartur Sturla Atlason útskrifaðist af leikarabraut LHÍ árið 2016. Hann hefur síðan þá getið sér gott orð bæði sem leikari og tónlistarmaður. Hann hefur komið fram í kvikmyndum og sjónvarpi, m.a. í Ófærð 2 og Lof mér að falla en annars er hann fastráðinn leikari hjá Þjóðleikhúsinu og í láni þaðan fyrir sýninguna Hamlet. Meðal verkefna hans í leikhúsi má nefna Framúrskarandi vinkonu, Rómeó og Júlíu, Storm og Ást Fedru. Sem tónlistarmaður kemur hann fram undir nafninu Sturla Atlas en hann var útnefndur bjartasta vonin á Íslensku tónlistarverðlaununum árið 2016. Þá var hann tilnefndur til Grímunnar bæði fyrir leik og tónlist í sýningunni Rómeó og Júlíu.