Þórey Birg­is­dótt­ir

Þórey Birgisdóttir útskrifaðist af leikarabraut LHÍ árið 2018 og hóf störf hjá Þjóðleikhúsinu á lokaárinu í söngleiknum Slá í gegn. Síðan hefur hún leikið í sjónvarpi, hjá Leikfélagi Akureyrar, með sjálfstæðu senunni og hjá Þjóðleikhúsinu – en þar fór hún m.a. með hlutverk í Draumaþjófnum, Láru og Ljónsa og Hvað sem þið viljið. Fyrir leiklistarnámið starfaði Þórey sem dansari og kom fram bæði í sjónvarpi og á sviði en árið 2011 tók hún einmitt þátt í Galdrakarlinum í Oz þegar það var síðast sett upp í Borgarleikhúsinu. Þórey hefur tvisvar verið tilnefnd til Grímunnar fyrir leik, annars vegar fyrir Ífigengíu í Ásbrú og hins vegar fyrir Draumaþjófinn.