Vikt­oria Dalit­so

Viktoría Dalitso Þráinsdóttir hefur sýnt framúrskarandi listræna hæfileika á fjölmörgum sviðum frá barnsaldri. Hún er leikkona, söngkona og dansari og leikur einnig á píanó. Viktoría Dalitso fór með aðalhlutverk í Fíu Sólar í Borgarleikhúsinu, sem er stærsta verkefni hennar til þessa. Hún hefur einnig leikið í sjónvarpsþáttum, meðal annars Stundinni okkar og barnaverðlaunahátíðinni Sögum. Þá hefur hún tekið að sér talsetningu í teiknimyndum, leikið í sjónvarpsauglýsingum og unnið að fjölbreyttum verkefnum. Viktoría leggur ríka áherslu á að þróa hæfileika sína áfram og stundar nú nám í leiklist við Leiklistarskóla Borgarleikhússins, er nemandi í dansskóla og stundar píanónám. Markmið hennar er að ná árangri í leiklist á sviði og í kvikmyndum, sem og í söng.