Club Romantica

  • Nýja sviðið
  • Verð: 6.550 kr.
  • Sýningum lokið

Þetta byrjar allt með myndaalbúmi sem sviðslistamaðurinn Friðgeir Einarsson keypti á flóamarkaði í Belgíu. Við þekkjum ekki fólkið á myndunum og það er ráðgáta af hverju albúmið var til sölu.

Club Romantica

Hvað varð um konuna?

Þetta byrjar allt með myndaalbúmi sem sviðslistamaðurinn Friðgeir Einarsson keypti á flóamarkaði í Belgíu. Við þekkjum ekki fólkið á myndunum og það er ráðgáta af hverju albúmið var til sölu. Var því stolið? Týndist það? Var því kannski hent? Það eina sem við vitum er að belgísk kona fór í frí til Mallorca fyrir 40 árum, drakk sangría, fór á ströndina, sigldi á hjólabát og tók myndir af sér og vinkonu sinni.

Eftir tíu ára umhugsun hefur Friðgeir loks ákveðið að reyna að hafa uppi á réttmætum eiganda albúmsins og skila því. En þá þarf hann að leggjast í umfangsmikla rannsóknarvinnu, átta sig á tengslum persónanna á myndunum og hugsanlegum örlögum þeirra.

Í Club Romantica kynnir Friðgeir fólkið á myndunum fyrir áhorfendum, segir sögu þess og sviptir hulunni af því hvað varð um þessa belgísku konu. Í leiðinni veltir hann fyrir sér hvað verður um myndaalbúm og minningar okkar þegar við hverfum af sjónarsviðinu. Hver mun segja okkar sögu? Mun einhver muna eftir okkur eftir 40 ár? Með Friðgeiri á sviðinu verður tónlistarmaðurinn Snorri Helgason sem semur tónlist sérstaklega fyrir verkið. 

Friðgeir Einarsson hefur starfað með hópum á borð við Kriðpleir, Sextán elskendur og Íslenska dansflokkinn. Hann hefur einnig gefið út tvær bækur, smásagnasafnið „Takk fyrir að láta mig vita“ og skáldsöguna „Formaður húsfélagsins.“

Í samstarfi við leikhópinn Abendshow.

Verkefnið er styrkt af mennta- og menningarmálaráðuneyti - Leiklistarráði.

  • /media/club-romantica/c.r.-run-through-6.jpg
  • /media/club-romantica/c.r.-run-through-4.jpg
  • /media/club-romantica/c.r.-run-through-2.jpg
  • /media/club-romantica/c.r.-run-through-1.jpg
  • /media/club-romantica/run-through-no2-69.jpg

Gagnrýni

Frásögn Friðgeirs nær að snerta ótalmargar taugar. Hún er í senn fyndin, hjartnæm, spennandi og persónuleg.

ÞSH. Víðsjá.

Niðurstaðan er ein besta sýning þessa leikárs.

SJ. Fréttablaðið.

Einlægur áhugi Friðgeirs á rannsóknarefni sínu og heillandi framsetning hefur smitandi áhrif á áhorfendur sem deila eðlilega forvitni hans. Hér er á ferðinni forvitnileg sýning, sem vekur fleiri spurningar en hún svarar.

SBH. Morgunblaðið.


Listrænir stjórnendur

  • Höfundur

    Friðgeir Einarsson
  • Leikstjórn

    Pétur Ármannsson
  • Leikmynd og búningar

    Brynja Björnsdóttir
  • Danshöfundur

    Ásrún Magnúsdóttir

  • Lýsing

    Ólafur Ágúst Stefánsson

  • Tónlist

    Snorri Helgason

  • Hljóð

    Baldvin Þór Magnússon

Leikarar

  • /media/leikarar/fridgeir-einarsson.jpgFriðgeir Einarsson
  • /media/leikarar/snorri-helgason.jpgSnorri Helgason

Kvenfólk

Hundur í óskilum heldur hér áfram að varpa óvæntu ljósi á Íslandssöguna með húmorinn að vopni. Nú er komið að sögu kvenna og kvennabaráttunni.

Nánar

Sönglist - Sumarnámskeið 2019

Sumarnámskeið eru haldin á vegum skólans frá miðjum júní og fram í júlí.
Námskeiðin eru ætluð börnum á aldrinum 8-13 ára og er aldursskipt í hópana. 

Nánar