Dag­bók jazz­söngv­ar­ans

Ástin, dauðinn, brostnir draumar ... og allur sá djass

Haraldur hefur að eigin sögn margoft naumlega sloppið við dauðann. En eftir símtal læknisins bendir allt til þess að hann sleppi ekki í þetta sinn. Það er ekki seinna vænna að gera upp sín mál, verða almennileg manneskja. Óvænt bréf úr fortíðinni verður til þess að hann tekur ákvörðun um að dusta rykið af djasssöngvaranum sem hefur legið í dvala í áratugi. „Nú geri ég hreint fyrir mínum dyrum.“ Stórhreingerning ævinnar er á næsta leiti. Nýja heimilishjálpin hefur aldrei lent í öðru eins.

Dagbók Jazzsöngvarans er saga um samhengi kynslóða. Hvernig sársauki einnar kynslóðar flyst yfir á þá næstu. Hvernig sársaukakeðjan slitnar ekki nema hún sé rofin. Þetta er saga um baráttu við ósýnilegt mein, um ást, missi, vináttu og ekki síst þakklæti.

Sýningin er sett upp af Common Nonsense í samstarfi við Borgarleikhúsið en það samstarf gat af sér Tengdó sem fékk Grímuna sem sýning ársins 2012 og sópaði til sín helstu verðlaunum hátíðarinnar það árið.

Frumsýning 11. apríl 2014 á Nýja sviði Borgarleikhússins.