Ein komst undan
- Litla sviðið
- 1 klst, ekki hlé
- Verð: 6.950 kr.
- Sýningum lokið
Ein komst undan
Teboð og tortíming
Á ljúfu síðdegi sitja fjórar nágrannakonur í bakgarði
einnar þeirra og ræða allt milli himins og jarðar:
sápuóperur, barnabörnin, horfnar hverfisverslanir,
drauma um að fljúga og óstjórnlegan ótta við ketti.
Undir broslegum hversdeginum krauma leyndarmál
og sársauki langrar ævi og allt um kring leynist
yfirvofandi – eða jafnvel afstaðinn – heimsendir. Með
einstökum húmor rennur teboð saman við hörmungar
og náttúruhamfarir, sem eru jafn skelfilegar og þær eru
kostulegar og staðfesta þau orð leikskáldsins Samuel
Beckett að ekkert sé fyndnara en óhamingjan.
Caryl Churchill (f. 1938) er eitt helsta og
afkastamesta leikskáld Breta síðustu áratuga, en eftir
hana liggja á sjötta tug leikverka fyrir svið, útvarp og
sjónvarp. Ein komst undan er skrifað fyrir fjórar leikkonur
sem allar eru að minnsta kosti sjötugar og þar eru
sögur eldri kvenna í forgrunni, kvenna sem hafa staðið
af sér áföll og árekstra í heimi sem virðist stöðugt á
heljarþröm. Í þessu magnaða verki sameina fjórar af
ástsælustu leikkonum þjóðarinnar krafta sína, þær
Edda Björgvinsdóttir, Kristbjörg
Kjeld, Margrét Ákadóttir og Margrét Guðmundsdóttir, í leikstjórn Kristínar
Jóhannesdóttur.
Leikarar
- Edda Björgvinsdóttir
- Kristbjörg Kjeld
- Margrét Guðmundsdóttir
- Margrét Ákadóttir
Listrænir stjórnendur
Höfundur
Caryl ChurchillÞýðandi
Kristín EiríksdóttirLeikstjórn
Kristín JóhannesdóttirTónlist
Garðar BorgþórssonLeikmynd
Egill Ingibergsson
Móeiður HelgadóttirBúningar
Stefanía AdolfsdóttirLýsing
Egill Ingibergsson
Móeiður HelgadóttirLeikgervi
Guðbjörg Ívarsdóttir