Ekki hætta að anda

Fjórar konur hittast til að semja minningarorð um Hákon heitinn, sameiginlegan barnsföður, sem er lýst sem „meðalmanni á hæð með ljósar krullur." Hinn látni hefur sjálfur sett saman lagaval fyrir eigin jarðarför og óskað sérstaklega eftir að konurnar fjórar flytji íslenskan texta við lag Nicole Scherzinger Don't Hold your Breath. Eftir því sem verkinu vindur fram kemur í ljós að það er ýmislegt málum blandið varðandi samband kvennanna við hinn látna.

Auður Ava Ólafsdóttir hefur áður skrifað þrjú leikrit, Svartur hundur prestsins (2011) og Svanir skilja ekki (2014) sem Þjóðleikhúsið setti upp og útvarpsleikritið Lán til góðverka (2014). Þar að auki er hún höfundur fjögurra skáldsagna og einnar ljóðabókar. Skáldsaga Auðar Övu, Afleggjarinn hefur verið þýdd á tuttugu og tvö tungumál.

Frumsýning 15. janúar 2015 á Litla sviði Borgarleikhússins.