Emil í Kattholti

Eftirlæti allra loksins í Borgarleikhúsinu

Hver kannast ekki við Emil í Kattholti, uppátækjasama og hjartahlýja drenginn sem er hugarsmíð barnabókahöfundarins ástsæla Astrid Lindgren? Síðan Emil kom fyrst fram á sjónarsviðið árið 1963, hefur hann átt vísan stað í hjörtum barna jafnt sem fullorðinna um heim allan og er nafn hans samofið hugmyndum um lífsgleði og prakkaraskap. Hér kynnumst við ekki bara Emil og Ídu, litlu systur hans, heldur einnig misþolinmóðum foreldrum þeirra Ölmu og Anton, hinni seinheppnu Línu vinnukonu, sögukonunni Týtuberja Mæju, vafasömu Ráðskunni á fátækrahælinu og síðast en ekki síst stórvini Emils, Alfreð vinnumanni.

Hér skortir ekki fjörið þar sem leikstjórinn Þórunn Arna Kristjánsdóttir leiðir glæsilegan hóp leikara og tónlistarmanna inn í Smálöndin sænsku. Kattholt er heill heimur ævintýra og nú lifnar hann sem aldrei fyrr í söngvum og gleði á stóra sviði Borgarleikhússins.

Vinsamlegast athugið að ekki er heimilt að sitja undir börnum á sýningum Borgarleikhússins og er það vegna brunavarna. Ekki er heimilt að hafa fleiri gesti í salnum en sætin eru. 

Hlustið kæru vinir Emil í Kattholti | Vikan með leikstjóra Emil í Kattholti | Vikan með krökkunum

Emil í Kattholti | Lee Proud danshöfundur Emil í Kattholti | Eva Signý Berger leikmyndahönnuður Emil í Kattholti | Stikla úr sýningunni Jólakveðja úr Kattholti