Hamingjudagar

Gestasýning frá Leikfélagi Akureyrar

„Ó, þetta er hamingjudagur, þetta verður enn einn hamingjudagur!“ segir Vinní, frægasta kvenpersóna Samuels Becketts. Hún er ákveðin í því að lífið sé hamingjuríkt og fallegt, þrátt fyrir að útlitið sé allt annað en bjart.

Verkið Hamingjudagar fjallar um takmarkalausan lífsvilja manneskjunnar og ódauðleika bjartsýninnar. Það þykir eitt skemmtilegasta leikrit Nóbelshöfundarins sem lætur hér gamminn geisa með hrífandi húmor, visku og ólíkindi.

Hér er hægt að skoða rafræna leikskrá.  

Umræður verða eftir sýningu sunnudaginn 20. nóvember. Hafliði Arngrímsson stýrir umræðunum sem verða með leikurum og listrænum stjórnendum.