Borgarleikhúsið

Marat/Sade

  • Nýja sviðið
  • Verð: 7200
  • Frumsýning 20. janúar 2023
  • Væntanleg

Marat/Sade

Bæling og losti, kúgun og uppreisn, hinir jaðarsettu gegn valdinu! Marat/Sade, öðru nafni Ofsóknin og morðið á Jean Paul Marat sýnt af vistmönnum geðveikrahælisins í Charenton undir stjórn De Sade markgreifa, er eitt af öndvegisverkum 20. aldarinnar – marglaga og margslungið í efni og formi. Verkið, sem er eftir þýska leikskáldið Peter Weiss, var fyrst frumsýnt árið 1963 og hefur frá upphafi verið umdeilt og vakið sterk viðbrögð. Hér er leikrit inni í leikriti – vistmenn geðveikrahælisins í Charenton setja á svið verk undir stjórn hins alræmda markgreifa De Sade. 

De Sade er einnig höfundur leikritsins og sjálfur vistmaður á hælinu. Verkið hverfist um frönsku byltinguna og er þrungið átökum og andstæðum sem endurspeglast í hinum týndu sálum hælisins. Í uppfærslu Lab Loka og Borgarleikhússins á þessu kraftmikla leikriti verður til mögnuð sýning þar sem Nýja sviðið fyllist af mörgum dáðustu en jafnframt elstu listamönnum íslensku þjóðarinnar en þau yngstu eru um sjötugt og þau elstu fast að níræðu. Hér er óhætt að lofa einstakri upplifun og sjónarspili sem seint gleymist.

Verkefnið er stutt af Reykajvíkurborg og Menningar- og viðskiptaráðuneytinu, bæði úr sviðslistasjóði og launasjóði sviðslistafólks.

Leikarar

  • Arnar Jónsson
  • Árni Pétur Guðjónsson
  • Eggert Þorleifsson
  • Guðmundur Ólafsson
  • Hanna María Karlsdóttir
  • Harald G. Haraldsson
  • Helga Elínborg Jónsdóttir
  • Jón Hjartarson
  • Jórunn Sigurðardóttir
  • Júlía Hannam
  • Kristbjörg Kjeld
  • Margrét Guðmundsdóttir
  • Sigurður Skúlason
  • Sigurður Karlsson
  • Viðar Eggertsson
  • Þórhallur Sigurðsson
  • Þórhildur Þorleifsdóttir
  • Reynir Jónasson
  • Reynir Sigurðsson

Listrænir stjórnendur

  • Höfundur

    Peter Weiss
  • Þýðing

    Árni Björnsson
  • Leikstjórn

    Rúnar Guðbrandsson
  • Leikmynd og búningar

    Filippía Elísdóttir og Ingibjörg Jara Sigurðardóttir
  • Tónlist

    Richard Peaslee
  • Tónlistarstjórn

    Guðni Franzson
  • Lýsing

    Arnar Ingvarsson
  • Sviðshreyfingar

    Valgerður Rúnarsdóttir